cim'tieres impressions

la Toussaint est passée ; au cours d' ché dernieres semaines , ché cim'tieres i zont perdu d' leur éclat et ont retrouvé leu calme et leu tranquillité .......

sur les tompes fréquentées on a coupé c' qui comminche à s' faner ou à pourrir, in a armis ché pots tout dro, in a artiré ché compositions éphéméres ..................

ché poubelles ale comminche à et' bin remplies, et ché brocs in plastique attintent au pied des robinets ....

des vielles , surtout des vieilles dins ché zallées, pas beaucoup d' viux........

in les ravisant , in comprint la vie, ché femmes ale sont solitaires,mais fortes, miu armées à combattre les souffrances de ch' long parcours

les peu d' viux qu in rinconte dins ché cim'tieres , i vont là, esseulés, perdus,accrochés à leu cannes comme si ch'mécanisme i éto cassé ....

Durant toute eune vie , la société ale met l' homme in avant, sous la leumière, un modéle ....mais in fait ché l' femme qu ale est la plus forte .........mais cha faut pas l' dire mes gins ...

au bout du cim'tiere derriere ch' colombarium, in a été interré ché indigents , souvent des compagnons d Emmaus, i zétotent déjà à l écart d' la vie, et là in va incore les camucher dinch' coin l' plus éloigné , "tolérés" dins l' cim'tiere, pas acceptés ...........cha cange pas du timps qui respirotent .....

sur d autes tompes des pots rinversés par ch' vint, des compositions qui s étiolent avec l' temps, certain'mint déposées par des gins qui viffent pu dins l' région ...

que d' malheurs qu in devine en ravisant souvint l' ache des personnes interrées ichi ....que chance , j'me dis , que j' conno pas cha , meme si in sait jamais d' quoi y est fait la minute qui suit...combien d' jones qui ont pas passé l' trentaine
va croire in dieu aprés cha ............

léger brouillard , qui modifie les distances, là bas une silhouette courbée devant une sépulture .....silence, recueill'mint dans les allées, on intind l' cris'mint d' nos pas su ché schistes rouches

on fait l' tour del famile, d' abord papa, pi in va monter vire mononc' en fait mon grand onque, pi aprés , dans l' viele partie du cim'tiere, in va vire l' tompe d' em grand mère , ché pas qu ale est partie y a si longtimps qu' cha , en 1988, mais sin mari i éto djà là depuis 1937.......

dins ché allées , des monumints d' toutes tailles,plus ou moins "carqués", plus ou moins chers, comme dans la vie d' tous les jours
du mausolée al' simple dalle d' béton arcouverte d un simple carrelache .....tout cha pour arcouvrir un esquelette...
l' cim'tiere, un monde ouvert aux intempéries mais arfermé sur li meme, d ailleurs quand qu on dit qu ' on "entre " au cim'tiere, on y entre physiqu'mint , mais aussi moral'mint
après i suffit d arfranchir l' portail pour arvénir dans l' monde des vivants ........


en face d' nous , le brouhaha d' la circulation d' la rue nationale, et de l autre coté del route , le parking de l hypermarché .........bruits de caddies, chapiteaux en place, attente aux pompes à essence, panneaux lumineux sur ché magasins en hauteur à coté d' mon Lory .........