ché pains coupés fin

alors y a des momints du meme qu ché gins, chéto à l époque d' la noel et du nouvel an, in plus qui avo ché coquiles à couper , y avo tel'mint d' monte, qui zatindotent dehors pour rintrer
quand qui avo du monte, té voyo ché gins serrés comme des saurets ché l' cas del dire , pi Madame Maréchal qui éto j' va pas dire rondelette, chéto pas l' cas, nan mais chéto eune pieche, j' la voyo s' faufiler avec ch' client qui éto arrivé au comptoir, vers l' étalache du qui avo ché gatiaux, cha faijo des mini mouv'mints d' foule .....
mais cha impécho Madame Maréchal , d' savoir à qui chéto l' tour, et si yavo quéqu un qui ram'no s'fraisse, ale savo li réponde polimint mais sech'mint qui avo tel'personne d'vant elle, que cha so eune grante personne ou un tchiot minloute ....

j' me souviens un coup qu in avo eu eune matinée terripe, chéto avant la noel j' cro bin, Madame Maréchal am dit d' m in aller , j' la ravisse bizar'mint , ch' magasin i éto cor plein, mais ch' service i avo été plus long que prévu pasque i avo quéqu un des' famile qui devo v'nir donner un coup d' main et qui éto arrivé grinmint in r'tard ,11h pour 9 h , et in avo peiné , bin j' m éto pas rendu compte qui éto djà midi et d'mi ..
alors j' y a dis que j' resto pasqu i avo du monte, am' dijo entre deux clients "vas t in" , mi j' diso "nan y a cor du monte pi j' prépare pour taleure" ..............

bin savez comme j' dijo au début , chéto eune maitresse femme, exigeante, et pas commote, autant quand qu ale m a donné ch' jur là "dringuelle" quadruplée , j a pas voulu accepté, bin ale m a pris dins ses bras elle a m a dit "Doménéque ché pas ti qui comminte, ferme t' guiffe" et ale m a imbrassé

Y a comme cha des gins dans vote existence qu' vous croisez l' chemin, et que , leur disparition cha vous a fait bin plus mal que pour certains autes personnes d' vot' famile .....

Té vo Minloute, din'l temps in 1949 in n'avo pas et' pains ed 2 lif coupés, et in éto 7 al maison avec mes pinrins. Donc au repas du soir, ché em' papa qui coupo el pain. Mé té vo cha d'ichi, au soir 5 jones al tape, min père y arréto pas ed couper el pain, et n'arrivo pas li minme à minger. I dit am' maman, ed main té prindra des pains ed 3 lif. Té parle el lendemain min père is régalo, it' coupo en' tartine, on éro dit un ceugnet ed bo, et là té metto plus longtemps à minger et tartine, donc i pouvot minger in même temps, mais cha pas duré longtemps, car 15 jours après em'maman al arpréno des pains ed 2 lif....