Les jardinsquand nounours i défilo
par nounours-94 le, 06/11/2010quand j'ai connu bobone i a des lustres m' belle mère ale éto présidente d'eune société d" musique ele s'aplo: "la clique des dévoués d'Haveluy". (ché un tiot villache dins l'59) i avo pu d'50 musiciens dont mes bios frères et 20 majorettes et leurs belles gampes naturellemint i m'ont forché à intégrer l société comme...tambour un compe pour un guitariste. mais bon j'avo déjà taté d' l'instrumint. in allo défiler dins l'59 Fenain, Hérin, Denain etc.. et bien sur tous les ans au mos d'septempe pour l' carnaval du villache. in faiso v'nir des sociétés d' Belgique, d'Hollande, et meme l' carnaval dunkerquois. et i a eu l' fameuse kermesse d' la bière qu'on a organisé. cha été dantesque in avo fait v'nir un orchestre allemand qui "tourno" dins l' région. ché le que j'ai appris à servir des demis à la transversale. que prone l' soirée la on est tertous arparti avec des godasses à bascules.
l'société existe toudis mais sous eune autre forme. les jones ont pris la relève, mais que tristesse. m' belle mère s'est retirée parce qu'ale est très agée , mes bios frères ont ringé leurs clairons et leurs tambours, j'in ai fait de meme. ej l'ai cor. i est ringé au fond d'min placard, ainsi que des affiches. des fos j'i jette un eule in faisant du ringemint in m' rap'lant des souv'nirs et l' bon viux temps.
