cor chinq mineutes pi au lit la fin

chéto l' momint aussi du que ceux qui habitotent l plus loin i zarpartotent, souvint i raccompagnotent eune tante ou eune grand mère agée , chéto l' début d' l agitation autour d un porte manteaux ou autour d un lit du qu on avo déposé ché mantiaux
et les sempiternels "j artrouffe pas chi", " t auro pas vu m' gabardine ?" , "et min sac ?" , pire encore "j' sais pu si j' su v'nu avec "...sans oublier le "artrouve me l' deuxieme gant, j' avo tout bien mi dins tin mantiau"...
comme in trouffe pas, l' maitresse d'mason ale a l' phrasse pour : "ché rin ché pas perdu, ché ichi on l artrouv'ra d'main" et souvint chéto vrai, chéto ch' père qui artrouvo cha l' lend'main au coin dech' gardin

chéto aussi l' momint du que l' mère ale dijo , allez té dit au r'voir à ché gins , té va aller faire et' toilette, t as d' l école d' main
que camouflet, devoir aller s' couquer alors qui a cor du monte al' mason, là in arsinto qu in éto cor considérés comme des zinfants...
in éto pas d accord, in brayo, in juo sul fait que l'mère ale allo et' plus souple vu qui avo du monte, et in savo qu en fait, eune fo l' toilette faite, mi in pyjama, les caveux bin peignés, avec s' rope d' champe in vo dro à quequ' mineutes d' répit in bas
" cor chinq mineutes pi au lit" qu ale dijo l' mère, souvint in finisso dans les bras d ' quéqu un d' la famile qui voulo voir si in sinto bon..
ché conversations ale zarprenotent , mais chéto plus calme, pi in intindo le fameux "bon ché pas d' tout cha mais d'main in travale"

alors là in savo qu in allo au lit , qu' ché grantes personnes al' partotent , chéto l' derniere fricassée d' musiaux, "mon diu qui fait noir" qu ale dijo eune tante en arrivant al' porte "pourvu qu in qué pas " en traversant ch' grand gardin "eh t auro pu met' des lampadaires pour éclairer tout cha ..."

tout l' monte y arparto, ti té raviso cha discret'mint à travers l' rideau d'la champe , té voyo t' mère qu ale avo accompagné ché gins jusqu ale rue in bras d' kémiche, et intinte l' phrasse qui concluo l' journée "allez rintrez , restez pas là , ravisse t' femme ale est in bras d' kémiche"

j'me sus régalée à lire tout cha.. ch'est bin raconté et cha m'a ramintuvé plein d'souv'nirs.. in s'y croirot !