cor chinq mineutes pi au lit

in éto contint quand on éto tchiot quand qui yavo des r'pas d' famile al' mason
d' abord in raviso ché préparatifs d' loin, suffiso d' pas trainer dans les pattes des parints quand qui bougeottent l' moitié du mobiyer del' mason pour rassembler toutes ché tapes et ché caelles dans eune seule pièche

am' mason chéto l' fameusse "pieche d' devant" , l' pieche "sanctuaire" du qui avo ch' fameux buffet Henri II qui v'no d eune tante ou d' eune cousine qui éto asteure disparue, reste d un partache d héritache .......

in voyo tous ché préparatifs, pi insuite l arrivée des invités, avec souvint à la clef eune tchiote dringuelle , pi aprés in allo juer avec les zautes zinfants , in artourno not' champe sans dessus dessous, meme si l' mère ale avo dit l' contraire, mais comme tous ché adultes ale éto occuper à discuter, et in passo au s'gond plan

quand qui v'no l' momint d' l apéritif, in arrivo pour pluquer sul' tape des cacahuettes, "pas trop quand meme , pasque aprés ché del dinde" t'em dira l' dinde chéto pas un plat qu in avo ker nous ché tchiots et si in avo pu s in passer ...

etre tchiot dans ché grands r'pas chéto arsentir toute la différence, tous les interdits qui nous séparotent des adultes ...
nous ché jones in mingeo tous ensempe in bout d' tape,in avo pas forchémint l' meme entrée qu' ché adultes, ou alors, pour gagner du temps , in nous avo préparé nos assiettes à l avinche et débroule te

ouais chéto un peu "débroule te" bon ché sur qui avo bin quéqu un qui raviso commint qu on mingeo, souvint al' pincho sin cou des' plache à tape , pour nous rap'ler à l' orde et là l' fille ou ch' garchon ch' plus grand del tchiote tablée, i d' vno responsape : ravisse et' tchiote soeur ou t' cousine , ale in a mis plein l' tape, met zi d' lio dins sin verre, armet zi s' serviette ....tout cha sans qu' les adultes i s' arleffent pour vn' ir l' faire, trop occupés à discuter et à rigoler intre eux ...

l' role el plus ingrat chéto pour chti qui avo cor 12 13 ans , qui s' voyo djà adulte, et qui auro bin voulu minger al' "tape des grands" mais qu in consigno cor eune année "allez ché t'derniere année" à minger avec ché tchiots d' 4 ou 5 ans et qui raviso presque dédaigneus'mint asteure

sans oublier les yeux d' biche effarouchée qui lanço as' mère du genre "eh m' man j a pu rin à faire avec eux "

age ingrat de la préadolescence , du qu in est pu vraimint in enfant , et sur'mint pas cor un adulte .....