ch' temps chi la Toussaint

ch' temps chi , i m'fait pinser à la Toussaint à Bruay ....
Frod au matin et rayon d' solel l aprés midi....
si bin sur ch' brouillard, que fainéant chtilale , i daigne s' lever inter temps ...
in accuse l' brouillard, mais chéto ptete aussi l' solel qui éto un peu fate ...........
cha donno d'ailleurs quéqu' fos d' sacrées leumieres tamisées, d'vire à travers ch' brouillard, un pale solel qui arrivo pas à percher...

Montée au cim'tiere du 3 , là bo tout in haut del cote, comme chi in avo voulu met ' ch' cim'tiere l' plus loin possipe du centre d' bruay ......chéto pas min quartier , mi j éto d' l aute coté, du 2 bis mais j avo ker i monter ...
juste à coté, t avo l' silhouette dech'terril qui domino tout l' quartier du 3
est ce que chéto eune domination protectrice pour ché gins interrés là ? ou un dernier pied d'nez à tous ché gins interrés ichi et qui ont rar'mint passés 70 ans , usés par la mine prématurèmint ...

quand j y monto au cim'tiere du 3, j' savo pas exprimer c'que j y ressento , savez j' devo avoir 8 ou 10 ans , mais y a des chosses que j a observées que j a compris bin plus tard .....

d' abord quand té rintro dinch' cim'tiere y paraisso , excusez me l expression, i paraisso vivant ....

yavo des fleurs tout partout, surtout des crhysentemes jaunes , chéto cor l époque des grosses fleurs, ché pomponettes cha avo pas cor la cote ....

par delà ché croix et ché tombes, té voyo des gins am'ner des fleurs, ardrecher des pots , aller querre d' l io au robinet qui éto l' long d'ech mur, avec un broc à la main

bien camuchés dins leurs manteaux, bonnets in laine pour ché femmes, casquette ou beret sul' tiete pour ché zhommes .....
faijo cor bin frod , té voyo l' finquée qu ale sorto d' leu bouque quand qui passottent près d' ti ...

d' là t avo eune belle vue aussi su bruay, et tout à l' opposé ché terrils d' Haillicourt ...

ché gins i zétotent djà v'nus quequ' jours avant, pasque d abord , fallo nettoyer l' tompe ,alors ché adultes i montotent avec ch' siau , l' balai brosse, des balayettes et du produit pour nettoyer ....
fallo que l' tompe ale so prete , chéto un momint privilégié j' pinse, commint dire , d' communion avec l' personne qui éto interrée d' sous ...
j m' souviens qu' min père i éto contint quand qui rintro du cim'tiere , l' momint d' nettoyache del' tompe ché un momint espécial , un momint d intimité avec chti ou ceux qui étotent interrés ichi ..
comme chi l' nettoyache del' tompe chéto comme un momint d' communication et d' discussion intime, et d' tendresse....
in nettoyant l' tompe ché un peu comme si in les caresso amical'mint, comme si in armetto eune meche défaite, comme si in les rhabillo , les préparo pour qu i soient bio pour l' jour d' la toussaint ..
in faijo pas cha l' jour meme d' la toussaint
nan l' jour d' toussaint chéto consacré au recueill'mint, au momint qu in allo am'ner ché fleurs pi s arcueillir ......
ché là que j' observo min père essuyer eune larme, pi commint vous dire, comme si là i juo pu au papa, mais que chéto li l infant d' sin papa à li .....
grand père que j a jamais connu, décédé près d'40 ans avant m' naissance , personne enigmatique djà pour mi à l époque
quéqu un envers qui j' pouvo pas avoir d' sentimints , comme pour em' grand mère paternelle , décédée elle , 14 ans avant m' naissance

ché cor toudis vrai c'que té racontes minloute , et quand té parles ed' tin père comme cha , jpinse que pour mi ché parel , al difference ché qué mi j'mets pu les pieds din un cimetière ed' pu longtemps , tout simplemint passe que quand j'y allos cor ya ,,,,, bin j'sortos d'la complètemint abattu et j'n'avos pour six mos à m'armette , bin ouais j'su un tendre , comme tin père , mais li yetot cor malgré tout capape d'y aller , j'peux même ed' dire que j'évite au maximmum ed' passer d'vant un cimetière , ché m'nature

c'est vrai que c'est toujours le petit garçon ou la petite fille sur la tombe des parents , jamais le Monsieur ou la Dame..

si vous me le permettez je vous raconte comment ça se passe ici en Italie pour les morts:
Tout d'abord , ils sont enterrés pour 1 an (maximum 2) aprés on les re-déterrent en présence de la famille
(j'ai toujours trouvé cela horrible) et il faut voir comme on se bouscule pour voir mieux, on entend alors "Mon Dieu , y'a pas cangé" .. ou bien "oh y'a core ess cravatte". donc aprés l'exhumation, on les met dans des "locules" petits compartiments construits dans un mur , les uns sur les autres et Voilà , alors on a nos morts au 2ème ou au 3éme étage ainsi de suite jusqu'à 10 étages parfois, pour pouvoir mettre une fleur , il y a une grande échelle roulante et il faut faire attention de ne pas aller les rejoindre en rien de temps!
J'adore ce pays mais je crois que je vais faire comme les éléphants quand ils sentent la mort arriver et qui rejoignent leur cimetiére , ej vas m'diriger vers ech'CIMETIERE ED MARLES...

j ' savo pas tout cha sur l Italie , pourtant un pays si proche ..
par conte Maurice, mi j a aucun probleme à aller dins ché cim'tieres, j'diro meme que j y suis souvint fourré comme dins ché églisses
y a un cim'tiere caractéristique à aller vire ché chti d' fruges, j' l avo visité en 1997, t avo un cimet'iere récent , et un cim'tiere à coté qui semblo hors du temps , comme si l' derniere tompe ale éto djà ancienne

et pour aller s'recueillir sur eune tompe , mi cha m' gene pas, j' vais meme et' dire que y a des coups que j' monte à bruay, j y va pas au cim'tiere, j iro meme plus vire ch'ti du 3 , pasque té vo , j a des souv'nirs d' min père quand qu on éto en vacances par ichi en 1973 et 1974 , chéto de formidapes vacances, alors mi quand que j' rinte dans la vallée d ossau ché un peu comme si i éto toudis là ......
mais comme j' t a djà dit min père y dijo qui avo del chance d' et' opéré à 18 ans d' sin g'nou, i zy avotent artiré l' rotule et soudé ché oches del gampe, donc y avo eune gampe raite à partir de ch' momint là
cha li a permis d' rester toudis au jour, d' jamais déchinte, et d' viffe jusqu à 91 ans passé, et y m' dijo "combien que j in ai interré des camarates du fond ; des générations intieres"

Je viens de lire le texte qui explique comment on traite les défunts en Italie, J'espère que ce n'est qu'une coutume locale et non générale!! c'est horrible de ne pas respecter le dernier sommeil . Pour avoir travaillé plusieurs années comme employé de pompes funèbres , j'ai assisté à des exhumations pour causes d'autopsie (en général dans l'année du décès) c'est pas joli!!!! et je ne parle pas des "réductions" de corps pour gagner une place dans le caveau!!! Mais je suis stupéfait que ça se pratique dans le pays qui possède l'ascenseur pour le ciel!

comme dit minloute, ché vrai qu'eune paire d'jours avant les gins allotent nétchier ché tombes. el veille in les véyo passer rue Deseilligny avec leur brouette avec ché pots chrysanthèmes. et l' premier novembre i z'allotent s' recueillir sur ché tombes. souvint pour celles et ceux du trois qui avotent une parenté rue d' Bellevue ou d'l'Observatoire i z'in profitotent pour aller leur dire bonjour. quand i z'avotent plusieurs masons à faire j'in ai connu surtout des hommes quand i z'arpartotent n'étotent "pas clairs" un verre par chi ,un verre par la. des fos l' quémin i éto long pour rintrer à leur mason.

Ce n'est pas du tout local , c'est général , j'ai assisté à l'exhumation de mon beau pére et j'en ai été choquée... J'ai demandé pourquoi çà se passait comme ça , on m'a répondu que l'Italie est un pays étroit et si l'on ne faisait pas comme ça , ce ne deviendrait qu'un grand cimetière..
A propos , l'année prochaine , au mois de Mars, on exhume "belle maman" mais je n'irai surement pas , déjà que je ne pouvais pas la voir quand elle était vivante....

j'voudros pas ête italien , em faire réveiller comme cha par des gins qui font pas partis d'em famil , ya d'quoi mourir d'in crisse cardiaque
quand à aller vir em' belle mère es faire détérrer j'aros trop peur qu'al trouf el vie belle d'su terre
blague à part ché vraimint des droles d'idées