ch' bonhomme in mousse ?

j' raviso les photos du blog d' André taleure (j a lu ch' poeme d' Henri Raimbaut, accompagné d' magnifiques photos d' lampes d' mineur
Henri Raimbaut , un poète vraimint pas arconnu as' valeur, té peut printe n importe lequel d' ses poemes su les mines, à chaque coup té intrainé, té émotionné tel'mint ché écrit simpe , mais qu' cha va droit au but .....

aprés j a été vire les photos qu ' André i a été printe au Mining, et là sur eune des photos , un vo sur un des étalaches d' lampes et d objets miniers ,eune tchiote estatue d' mineur
cha m a rap'lé qu' min père i avo ram'né un coup al' mason dans un tchiot emballache plastique , eune espece d' poupée d' mineur chéto en espéce d' mousse in caoutchouc, j' me souviens que cha sinto toudis un peu

pour mi chéto eune enigme pasque té pouvo li faire printe toutes les positions ach' bonhomme i resto dins l' position que t é l avo laissé...
comme j éto "un peu" brizaque, j avo mordu un coup dinch' pied du mineur et j avo vu qui avo en fait un gros fil d' fer à l intérieur et ché cha qui faijo qui gardo s' position
comme dins ché tours d' magie qu on dévoile , j éto un tchiot peu déçu .......
mais ch' bonhomme là in auro pu l' associer à deux zautes juets mystérieux
l' premier, l' boite à meuh, ah j' m in a posé des questions sul' boite à meuh , à savoir commint cha fonctionnot ..........
l' second chéto cor plus extraordinaire pour mi, chéto un animal in bo, cha pouvo et' eune girafe, un lion, un cat etc ..chéto tout pitit ,cha t'no sur un socle, et ti quand que té metto tin dogt sous l' socle t éxerçot eune pression et ché pattes d' l animal i s' pliotent ou s ardressottent (chéto avec du fil d' nylon ch' système là), j in a arvu y a pas trop longtimps, ché vrai qu on arsort les viux juets au gout du jour, as' deminder si ché pour ché zéfants alors qu on les racate, ou pour s' souv'nir , un soir , assis à coté d' sin papa à sin bureau , en train d' juer avec l' mineur in mousse, ou l' girafe sur sin socle ...

A la fin de l'sujet, té parles d'un juet in bos qu'in a tous presque connu, eune presion in dessous et le motif i s'affaissot, té lachos, un ressort l'armettot in plache, cha s'appellot et cha s'appelle toudi un WAKOUWA.
D'nos jours y a même de fervents collectionneurs din le monde intier de ché objets là.
Allez vire le blog d'eune de mes amies intièrement consacré à ché objets là.
http://wakouwa.skyrock.com