mi j' m' appelle Paulo suite 4

mi ch' bidet à bascule ,j avo d' la chance, y a des coups fallo pas attinte trop longtimps pour arprinte du service ....intermittent du spectaque que j' vous dijo

in v'no m arquerre, ch' père i passo un coup d' torchon avant d' m' ardéchinte, i avo compris ch' l animal , i voulo pu s' faire engueuler par grand mère ...

par conte là ,eune fo in bas, y avo quéqu un qui m attindo, soit un n'veu, eune niece, un cousin , eune cousine qui avo eu aussi un tchiot bébé un peu plus tard que ch' dernier d ichi et qui v'no m' printe pour que j ale servir dans eune aut' mason

alors là, j avo pas trop ker au départ, ché comme ché tout l' monte té sait jamais du qu' té va querre ...... djà j' raviso si in prenno soin d' mi quand qu in m'metto dins l' carette
j a été dans des familes qui ont été gentiles avec mi, meme que j a eu dro à un coup d' peinture, j' su passé du marron clair au bleu clair, m' d'mindez pas pourquoi, am' mote que chéto soit un fond d' peinture qui fallo utiliser pasqu in gache rin, ou alors chéto pour bin marquer que j allo servir pour un tchiot garchon .....

chéto quand meme un choc pour mi, canger d' mason, sans et' vraimint sur d artourner dins l' mienne, et d arvire un jour mes camarates laissés au grenier ...in s'pose des questions
j a voyagé dans bruay, cangé d' corons, connu des plus grantes ou des plus pitites masons, j avo soit m' pieche réservée avec l' infant, soit j' partageo l' quotidien d' tout l' monte dans l' pieche principale, d' où certains "mauvais trait' mints" ...

j' reste dins l' famile j vous a dit , mais ch' trait'mint qui m est reservé peut etre vraimint différent, soit comme j' diso in metto eune couche d' peinture in arrivant, soit chéto quand qu in m' ram' no dans un piteux état, peinture écaillée, morciau d' bo qui manque , que min père i m arfaijo eune seconte jeunesse
i m arfaijo eune seconte jeunesse, tout in maoulant que ché gins i zavotent pas pris soin d' mi, non pas qui avo d l affection pour mi, mais surtout grand mère ale li a donné du traval supplémentaire à arpeinde ch' bidet à bascule .....

j a beaucoup travaillé jusqu au début des années 60, à croire que ché gins i zavottent moins envie d' faire des zinfants .....
et j' su artourné pour plus longtimps arjointe mes anciennes connaissances dinch' grenier ....