mi j' m' appelle Paulo

bonjour mes gins , j' vous appelle d' là haut, pasque y a pas grinmint d' chances que j' so toudis "in vie"....
Vous dire quand que j' su né ....... j in sais trop rien.....
savez mi j a pas d' cervelle, j' su qu un sieche in bo, monté sur des pieches toudis in bo, qui armontent d' chaque coté pour faire ch' balinch'mint , in a découpé dins eune planque m' tiete et pi m' croupe , in a passé eune barre d' chaque coté d'em tiete afin que ché pitits i puissent s' maint'nir pi in m a assemblé ,mis un coup d' peinture et j a comminché m' carriere d' bidet à bascule ....

du que j a comminché m' carriere ? impossipe à savoir, in tout cas j a comminché tout neuf tout pimpant, m' carriere d ' intermittent du spectaque

bin ouais ,intermittent du spectaque ché bien c' qui m' définit mes gins : pendant quequ' mos j' éto à la une, j' faijo min numéro , ou plutot in métto ch' pitit ou l' pitite su min dos et allez "in route"
ché pas un métier facile savez, d' ete bidet à bascule, pasqu in n intind des "oh" des"ah", mais cha vous est pas destiné, ché reservé à l' infant qui arriffe, d' abord j' diro inconsciemmint in bougeant sin derriere à m' faire baler d avant in arriere, avant qui prenne sin rythme d' croisiere, et là j a du boulot , allez in avant in arriere , in avant in arriere, in avant in arriere, cha pouvo durer un bon momint
in s occupo pas vraimint d' mi , meme si j' suivo parfois l' chemin'mint del maman, un coup in m'metto dins l' cuisine, avec ch' tchiot sul' dos, tandis que s' mère ale éplucho les légueumes sur ché pages d un viu journal qu ale avo mi au d'sus del toile cirée
ouais mes gins , un monde ...in protégeo l' toile cirée ....
j'me plains mais j éto quand meme l' vedette , j intindo " allez té va aller faire un tour dins Paulo" meme qui a des momints j avo l' honneur d' et' pris in photo, bon j' savo bin que chéto surtout à cause dech' tchiot qui éto sur min do , mais cha faijo vraimint plaiji ....