not ' univers 1

ouais in avo la chance d avoir des troenes qui faijotent la haie del mason , et savez ché branques d' troene cha pousse dro et fin , comme l épée à zorro ..... mais fallo aussi et' plus malin qu' mi, car quand que t avo coupé eune branque à l hayure,et que t avo "emprunté " ch' sécateur à min père et que j' l avo laissé dehors et qui l artrouvo l' lend'main matin au beau miyeu du jardin, j avo dro à la sérénate d' l avare quand qui artrouve pu s' cassette dans eune pieche d' moliere .....
aut' chosse qui fallo faire attintion ché du que té metto ché feules del' branque d' troene que t avo coupé, fallo pas l ' efeuiller comme cha in plein miyeu du gardin , si min père i artrouvo cha par terre, té pouvo et' sur que dans l' seconte i gueulo sec min prénom et que j avo interet à et' là tout d' suite, et pourtant y allo i avoir "clique" à la fin d'es'réprimante ........
pi ya des fos faut dire chéto d'em faute, quand que j' coupo eune branque ed' troenne, un tchiot peu plus grosse qu' les autes, que j avo l impression d avoir un fleuret , ou plutot l' véritape épée à Zorro , cha m arrivo , par enthousiasme simplemint, d' traverser l' gardin, comme si j éto entouré des hommes du sergent Garcia et que pour m in séparer fallo donner comme des grands moulinets avec s' n épée
mais là chéto pas les tetes des soldats que j coupo avec m' n épée , chéto les tetes des rosiers ou des branques d' rubarpe...
tout d'suite cha m arfaijo arvenir su terre, mais min père chéto un finaud, j avo beau camucher mes "délits" i voyo tout d'suite c' qui avo été coupé ou détérioré , normal i connaisso sin gardin par coeur
mais savez chéto pas cha l' pire, l' pire retour à la réalité, ché quand Tornado i trébucho, que Zorro i quéyo à terre, et là yavo métamorphosse chéto minloute qui s arlevo , sin g'nou et ses mains écorchés ,et là i app'lo s' Manman pour qu ale le soigne .........
(Vital, dans l' phrasse , "genou et ses mains écorchés, j a respecté la régle d' conjugaison qui tombe sous l' bon sens, si y a un élément masculin et des élements féminins, in s accorde toudis avec l élément masculin, ché pour cha que j a accordé "écorchés" )
fin del parenthesse, ché avec plaiji que j' vous a raconté c'que j avo arsenti étant infant ..... j' va pas vous faire causette et les misérapes , in avo l' télé al ' mason, yavo des jeux à la noel, mais j' sais pas, ptete qu in passant et ché sur moins d'temps d'vant l'télé qu asteure in faijo juer plus not' imagination
j'el' sais aussi que les générations avant mi, i zont cor eu moins d' jouets à la sortie d' la seconte guerre mondiale, et que dire des plus anciens, mais in a su ptete faire fonctionner un peu plus s' n imagination , pour juer à d'grandes cosses, mais avec pas grand cosse

quand j'éto tiot mes parints m'avotent acaté eune panoplie ed zorro. ech' capiiau,el masque,el cape et l'épée.mi aussi ej l'ai chevauché ech bidet minloute.

té m'fras toudis rire , avec tes esplications , j'ai l'impression ed' vive ech' t'histoire