la chand'leur à Bruay

chéto eune tchiote fete qui zavottent du inventer à m' n'idée pour nous faire avaler que la noel et l' nouvel an chéto fini mais qui avo cor eune fete aprés, pi aprés cha s'ro paques, pi aprés ché vagances, pi aprés la noel etc etc

l' chand'leur y avo qu in interet, avoir ech' morcio du qui avo l' féffe
j' dis pas, pasque j ' su mauvais perdant, qui a pas des coups que cha a fini par eune clique pasque j éto in rache ed' pas avoir gagné, l' pire cor , ché si chéto eune d' mes soeurs qui avo l' feffe et qui m éliso pas comme roi ......
alors ché bouts du gatio i zétotent coupés, j' essayo d 'avoir un r'gard bionique pour vire à travers l' pate du qui pouvo s' camucher cht'tiot morceau d' porcelaine, rin , rin , in voyo rin
j'hésito à m' servir ch' premier, et l'pire quand qu on mingeo et cha cha m est resté ché chti qui fait semblant d' l'avoir et qui s amusse à faire semblant d' s'énoquer avec , et chti qui l' met tranquil'mint dans l' coin des' bouque et qui ravisse l' réaction des zautes qui sont in train d' bien machuquer chaque bout d' portion pour pas l' avaler et qui, à la fin , metto s' bouque comme un cul d' poule et qui dijo ché mi ah cha cha m ' énervo
surtout quand chéto pas mi qui l avo, pasque si chéto mi, tout ch' quartier il' savo, cor un peu cha auro été dans l' voix du nord du lend'main
sul' photo jointe, j' ferai armarquer
l' coupe ed caveux, faite par ech' coiffeur noel, ch' viu, ch' précisse pour min comarate lou marcel, eune belle coupe au carré ou plutot presque au bol

un tchiot vinte bedonnant, cha cha m' a resté aussi, et ch' coup là j' peux pas vous dire si j avo gagné ou si j éto prince consor ......
tout c' que j' peux dire que chéto le 6 janvier 1965 à bruay en artois ....

Jusque là j'ai toudis cru cha qu'minloute i racontot, vu qu'j'ai connu in gros l'même cose, à part ches affaires directemint liées à ches mines.

Mais là... à m'mote qu'i rue dins ches brancards (ch'est nin parceque j'parle d'brancards que j'pinse à un baudet hein... ch't'un copain quind même).

Minloute, arpose tin verre et écoute à batisse: normalemint, à l'candeleur, ch'est des couques baques. Là d'ù qu'i a eune fève, ailleurs dins l'monte, ch'est l'épiphanie. L'tirage des ros quo!

A moins que t'momère elle mettot une fève dins ches crêpes, pour que te soches ro plus facilemint. Tiot bradé va!