Les jardinsimpressions d' la noel
par minloute le, 10/09/2005 ché pas l' jour d' la noel l' plus bio, non ché avant , ché les jours d' avant qu 'on deminte à s' mère j' sais pu combien d' fos dinl' journée, "dis manman c' est quand noel", in est en vagances, in est un peu, beaucoup énervé, meme que nos parints i promettotent d' appeler ch' père noel pour li dire ed pas passer quand qu on éto pas sache, mi j a eu d' la chance , i est toudis passé ch' père noel
l' pire chéto la veile au soir, quand qui fallo aller s' couquer, bin pas évident d' fermer s' n'eule .....
pi enfin , au matin, au moindre bruit, l' tuyauterie des radiateurs qui faisottent glouglou, un bruit d' pas dans la rue, eune carette sul' route, ou quéqu un qui déchindro installer les cadeaux mais cha j y cro pas, ché vrai qu in intindo des bruits d' cartons qui arsaquo d indroits du que j auro pas pu les vire, in pouvo pas déchinte, i avo du ramdame in bas, mais y fallo attinte, chéto dur, mais pour mi ché que ch' père noel i v'no juste ed' passer
aprés in pouvo enfin déchinte, et d' vire ché cadiaux sur les chaussures, oh la la , la joie d' les ouvrir, ed juer avec, meme qu aprés m' mère ale em' diso d' eum'pousser mais j intindo rin, j éto dans mes reffes , en construisant un chalet in bo, i fallo assembler ché branchettes qui s incrinquo les eunes dans les autes
pi aprés chéto l' pétit déjeuner et i fallo débarasser , alors là ch' charme i commincho à s' estomper tout douch' mint
