Gilbert est un bavard ....souvenirs d'école

mes gins j' va vous raconter eune histoire qu ale est véridique d' bout in bout , ché eune histoire insignifiante pour tous l' monte , sauf pour mi qu ale a fait caud à min coeur
j' auro du appeler ch' t histoire "Gilbert est un bavard... souvenirs d école " ou " grace à internet , la boucle est bouclée "

allez j' me lance , m' connaissant yaura plusieurs pisodes , ché pour cha qui faut pas trainer , in y va, ché parti

souvenirs d école ,d'l' école Loubet d' Bruay, et j' diro l' école qu on est fier, l école des garchons

savez, j in a djà parlé dans un aut' sujet , que les classes d' maternelle files et garchons , chéto dans la cour d' l école Loubet Filles
ché à un ache du que la mixité cha faijo pas s' bousculer ché hormones ...........
pi aprés ché classes là, du que j a eu Madame Facon l' premiere année, pi aprés Madame Dupin (Madame Dupin ale avo du rouge à leffes et ale porto un parfum qui sinto bon), aprés ché 2 années là, in a parti juste derriere ch' mur, qui séparo les deux cours , là bo du que chéto plus normal pour nouzautes, l école Loubet Garchon

J' va pas m étaler sur ché zinstitueux, pour mi j a eu d' la chance, j a eu les deux meyeux , les 2 premieres zannées , celles de CE1 et celle de CE2 , avec Messieurs Wacheux pour l' classe de CE1 et Monsieur Robitaillé pour l' classe de CE2

in va parler de Monsieur Wacheux, ch' premier instituteux que j a eu, un vrai instituteux comme dins l' temps, quéqu un qui faijo sin métier sérieus' mint , sérieus'mint pasqu i avo eune tache importante , j'diro meme primordiale, nous mette sur ché bons rals pour l' restant d' not' scolarité
chéto quéqu un d' droit, d' appliqué, j' me souviens qui écrivo très très bien au tableau, j allo ardire , avec application , mais ché vrai
j' va pas tout ardire comme ché tablaux qui s' arpliotent d' chaque coté, tout ché mots décomposés, l' premiere syllabe in blanc et l' reste in rouche , par exemple in apprenno la syllabe eau, alors chéto écrit MOINeau OISeau etc etc
ché li qui nous a vrimint appris à écrire, à bien dessiner le s , eune branque inclinée du que d'sus viens s accrocher le serpent .........