la télévision in noir et blanc suite

ché vrai, j avo oublié "histoires sans paroles" , rin que l' générique chéto super bien fait .....

et al' télé in avo dro au momint d' la noel, à un flime avec laurel et hardy ...
ah mes gins , si vous les connaissotent te pas, ou que d' nom, ché vraimint à voir ...
i zavotent inventé un numéro d' clown mais pas in habit traditionnel, vétus avec les loques d' tous les jours .....
un comique bien huilé, des roles bien définis , beaucoup d'mimiques, des gags à foison, et in peut pas les séparer, chéto vraimint des personnalités complémentaires ...

tout comme l étotent in france, les clowns "les barios" ....
grand coup d' capiau, et ché pas que des mots, in les attindo quand qui passotent al' télé .....

pour mi, i sont du niveau d' laurel et hardy et des bateleurs italiens du théatre itinérant du 17 eme siecle

yavo Freddy , ch' ptit barraqué , eune vraie gamelle ......Henny, la partenaire féminine, eune très belle femme, ale faijo office d' clown blanc, pi Nello , ch' grand sec qui passo pour un babache et qui bégayo toudis ...
in les voyo surtout dans l émission "1,2,3 en piste", tournée à Ermenonville chez Jean Richard

l' émission ale éto présentée par le "couple" de présentateurs Marcel Fort et Jacqueline Montsigny .....

in passotent d' temps en temps dans l émission de la piste aux étoiles , présentée, elle, par roger lanzac ......

chéto pour mi eune forme moderne du numéro de clown, pour mi jamais égalé ...............

la roue tourne..... in étot des tchiots infants d'vant le poste ed' télé en noir et blanc, assis bin saches , les bras croisés sul' tape d' la salle à minger , chéto avant que nos parints i zacatent des salons ......

Freddy ch'tiot costaud, l' babelle du groupe y est décédé en 1988

Nello , ch' grand maigue , i est décédé li en 2000

ya que Henny , l' épouse de Freddy , qui est cor vivante, mais cha fait drole d' pinser que la sculputurale Henny ale a asteure 87 ans ..............
j' vous arcomminde d aller vire sur le net, la vidéo de canal 2vtv , l émission s appelle "si on parlait de vous" , celle qui est destinée à Betty Bario, l' file de Freddy et de Henny
ché très touchant
j' su sur que Marie Claire ale va met' cha sur le site face book d histoires de chtis ..