dans et autour d 'l assiette : su la tabe

in a vu en long in larche et en travers l importance del toile cirée, y est temps asteure d' raviser c' qui avo sul' tape ......
such' coté d' l assiette, l' serviette incrinquée dins sin rond ....quequ'fos avec meme ch' prénom gravé d'sus, souv'nir d un séjour su la cote d opale ............

l' serviette , souvent blanque avec un liseré rouche , ou comme al' maison eune espéce d' vichy, mais pas n importe lequel, chéto les fameusses serviettes du Vin des Rochers

ah n allez pas croire qu in buvo comme des trous ale mason , mais chte marque ale avo un moyen d' fidéliser ché clients
quand qu in artiro eune espece d' cachet in feralle, et ind'ssous yavo ch' bouchon in plastique, bin such 'bouchon in plastique , yavo un papier rond marqué "1 point"

bin au bout de x points que té collo sur eune feule et que té rinvoyo à l' société, bin t avo dro à des serviettes d' tape, et meme si této un grand buveux , t avo dro à eune nappe
ché couverts par eux meme zétotent un tchiot peu dépareillé, j' vous parle d' cha d' avant 1975 inviron , aprés in a comminché tout douch' mint à parler "d art de la table" et in a trouvé aussi dans les grantes surfaces des ménagères pour un usache quotidien à des prix un peu plus abordapes ..
donc dins ché couverts in avo ché chouchous, mi j avo ker avoir comme coutiau un qui avo un manche in bo , et que sul' lame chéto écrit "le tonkinois" et qu in voyo un anamite avec sin capio pointu , ses moustaches lonques et fines qui déchindotent vers le bas, sans oublier sin sourire enigmatique un tchiot peu comme celui de la joconte
sur les zautes coutiau, chéto écrit sul' lame, "breveté SGDG" ... in matiere aussi yavo différentes qualités, i resto toudis des fourchettes in espèce d' fer blanc qui devotent dater del grand tante qu in savo pu sin prénom et qu in n éto pu sur del prov' nance
fourchettes plus légères qu' les zautes, que j avo ker , quand que m'mere ale avo l' dos tourné, met' in appui sul' tape et qu in pouvo torde facil'mint, l' tout aprés chéto d' pas faire un trou dins l' toile cirée, et d' pouvoir armette l' fourchette dins sin état d origine sans s' faire printe .........
pour les verres ,chéto varié aussi, in avo du arcopal, du veroroc, du duralex, j' cro bin savez ché tchiots verres qu in a tous connu soit in allant al' cantine , soit in colonies d' vagances et que dés qu in s asseyo à tape, in allo vire tout d' suite ch' numéro qui éto gravé au fond du verre et qui nous donno l' temps du r'pas un age imaginaire ..........
mi rapid'mint j a eu dro à ché verres à moutarte , savez ché verres que d'sus y a d arproduit des personnaches d' dessins animés : yavo à l époque j' vous parle : Colargol, Pollux et l' manège enchanté, Kiri le clown...

mi j avo l' souv'nir d' un verre avec 2 personnaches d animaux chéto riquiqui et roudoudou, j' sais pu à quoi cha correspond , j irai vire après su l' arnitoile

y avo aussi mais in sorto cha qu eune fo par semaine , eune espèce d ' orele in plastique qu in coincho dans l' bord d' l assiette , que d'dins in metto del vinaigrette , chéto pour minger les artichauds

et pi yavo aussi ché tasses à café qu in utiliso , non pas pour boire ch' breuvache là, nan pasque là cha vous auro artourné les boyaux in buvant cha d un coup , chéto les tasses d' café qu in utiliso pour minger les moules et que m' mère al' rimplisso d' vinaique