Les jardinsem grand mère Chérie
par Marie-Claire le, 29/06/2010J' viens d'atreuver dins eune grante boite in bos, que j'savos même pus que j'avos, des tas d'photos et cartes anciennes d'em famile parternelle, pour la plupart entre 1910 et 1920 , y a même des cartes ed Ste Catherine d'em grand mère, ed St Nicolas d'min grand père, ed Ste Cécile del même époque
Y aussi des cartes del guerre 1914-1918 et surtout gramin d'photos ed photographe comme in féjot à l'époque
El première que j'vous mets, j'y tiens gramin, ale dot dater ed 1917 ou 1918, ch'est em grand mère paternelle Chérie que j'adoros, Pulchérie ed sin prénom, avec ses parints Pierre qui étot mineur à Fléchinelle et Maria et el tiot frère Joseph qui s'ra mineur aussi tout comme el frère ainé qui manque sur el photo, Marcel pour qui à m'n'avis el photo ale a été faite puisqu'i étot à la guerre
Em grand mère elle ale étot couturière, j'a core el machine Singer qu'ale avot acaté à 20 ans et même el facture qui va avec, ch'étot in 1920 .. Et dins l'boite dont j'vous parle y a aussi des cahiers avec les achats pour les clientes ou clients et leus mensurations
J'a toudis été conservatrice, j'comminche à comprinte ed qui j'tiens cha ...
Pulchérie , chéto un prénom cor bin porté au début du 20 ème sieque , j a aussi eune "Pulchérie" dans m' famille, et cor ché eune "Eudoxie Pulchérie" escusez du peu ......
ché comme dans un siéque quand qu on dira , tiens un "jean marc" un "jean marie" ,ché des prénoms d' la deuxieme moitié du vingtième sieque ...
( 1 photos) 
