repas d avant , in vrac, fin

j a pas ker marquer "fin" , in va dire "fin provisoire" , pour pas freumer définitiv'mint l' porte aux souv'nirs


du qu on in éto ? ah ouais, ché tartes i sont sul' tape, allez in arbo cor un verre ,et ravisse ichi ché du bon, ah chtilale chéto pas del pichatte d' baudet ........ meme y a des coups in avo dro au mousseux qui artourno ché boyos, ou au champane ...
et pour ché zinfants i zavottent dro d y gouter mais qu in trempant un bout d' boudoir d' dins, vous m' direz cha suffiso à les rinte un tchiot peu énervé quand meme ....

là aprés ché zommes i arcomminchottent à canter , pi ché femmes aussi , pi à chaque fin d' canchon in cantot "untel y a bin canté, toutes ché femmes , toutes ché femmes , toutes ché femmes ale peuvent l imbrasser"
chéto l' momint du que l' nappe in papier ale éto bin intammée par ché tach' d' vin, d' io, ouais pi yavo ché zinfants qui in rinversottent aussi ...

yavo pas que l' nappe qu ale éto intamée , in n'avo eune paire qui avotent ché ziux qui piquottent et pas seul' mint par l' finquée ...
pi aussi faut dire que chéto l' momint du qu in sorto ché cigares et cigarillosses , pi ché bouteles d'alcools forts :

izarra jaune ou vert, armagnac, cognac , calvados, g'nieffe pour certains, mirabelle , alcool d' poire (avec un bonhomme in bo sur eune balancoire à l intérieur qu in s' demindo commint qui zavotent réussi à l' met' d'dins ) fraisses ed ' plougastel pour ché femmes ....

certains i zin profitotent aprés pour aller s eclipser et ronfler dins ché fauteuls, d autes préférotent aller faire un tour au gardin pour s aérer l esprit .....

d autres préférotent commincher des parties d' cartes , plus souvint l' manille que l' belotte d ailleurs

qui qui avo dit que che s'ro la fin ? nan y aura cor un pisote d' main ...