la mondialisation cha a pas qu'du bon (1)

Mes gins , j'sus pon un espécialisse ed bières mais mes rachènes itayennes n'm'impêchent pon, quèques fos, d'chucher eine bonne purée d'houblon (bière in picard rouchi). I'a 2 sortes ed purées d'houblon: dé l'guiguite (tiote bière ocore bière sins gramint d'goût, qu'in treuve dins l'artique ed Minloute) et dé l'bonne. Alors , j'invite les gins du Nord , du Pas d'Calais et tous ceusses qui ont ker el vraie bière à v'nir dins l'Volincienno Là, i treuv'ront ed bonnes bières d'eine grante goutance, au bon sintimint, à l'mousse magnifique, a la coleur si belle .... Ah là la mes gins, elles sont si bonnes qu'in les chuch'rot su l'tiète d'un pouilleux ! :
La Jonquille , légère bière blonde obin la St Médard , bière ambrée , fabriquées d'manière artisanale pa l'brass'rie restorant du Baron à Gussignies (à côté d'Bavay)
La Choulette , bière blonde ou ambrée fabriquée à Hordain (à mi-quémin inter Volinciennes et Cambrai )
Vous m'in direz des novelles et t'nez si vous passez edvant em 'mason, sonnez 3 cops, ej vous l'zé f'rais gouter !
I'ecziste aussi l'bière Jenlain, blonde obin ambrée, el Sebourg (blonde); les 3 sont fabriquées d'manière industrielle à Jenlain (à 10 km au sud ed Volinciennes) mais in moinse ed quantité qu'les grantes marques marquées dins l'artique ed minloute.
Allez mes gins , ej vous attinds ! Et aveuc eine bière du volincienno (cheulle qu'vous coeusirez mais vous porrez in printe 2 pas pusse si vous conduisez) , j'vous f'rais minger el l'tarte à cras bord à rhubarpe ocore à l'fraise (ej' d'ai tout plein dins min gardin) qu'min blanc bonnet aura plaisi à vous bailler !
A bétôt !

nos quind in artourne dins ch'nord in va dins un tiot magasin à Somain (59) d'ù qu'in troufe eune quantité impressionnante d'bières d'partout mais surtout un grind choix d'bières du Nord.... j'ai caché dins les réserfes pou vos mette chés noms, mais l'réserfe alle a bin diminuée et j'ai foque treuvé chés deux là :
l'bière Vieux Lille brassée à St Amand les Eaux (59) et l'bière Vivat Triple brassée Au Cateau (chelle lal alle est assez forte 8° faut pas in abuser !)

L'bière "Vieux lille" alle fait 7° . Ch'est eine bière à haute fermintation, édon assez gazeusse, et i n'fot pon l'alloter! Alle a un arrière gôut pon treup plaisant et franch'mint el Jonquille alle est milleure in fond d'bouque . Achteure si vous volez savoère chu qui ecziste comme bières dins l'Nord, in Alsace, in France, Belgique et Europe, ch'est simpe : buquez su Google "Brouette ed bière" . Vous treuv'rez....700 sortes ed bières !

dins l' quartier du Montparnasse à Paris,i a "l'académie ed la bière" i a pus 150 sortes ed bières.quand j'étos jone avec mes copains,in i allo minger eune moule frites in dégustant eune bonne bière, sans in abuser.