la mondialisation cha a pas qu' du bon

in est d' plus in plus convaincu que l' mondialisation cha a pas qu' du bon... pour preuffe la biere ....

in voyo souvint dans l' temps dins l' pas d' calais mais aussi un peu partout in france, pas mal d' bistrots qui avotent comme inseigne un panneau publicitaire Jupiler Pils, ou Stella Artois ...
des bieres pils, cha vient d eune fabrication tchèque , du villache d' Pilsen mes gins
Asteure rintrez dins ché bistrots, vous aurez l' plus souvint dro in pression à un trio d' choix souvint l' meme

kronembourg, heineken et grimbergen ... zavez vu j a pas mis d' majuscule à ché bières là , pasque escusez me, ché pas m' tasse ed' thé, vous m' direz in parle ed biere, mais ché eune expression
mi l heineken, j y trouffe pas un gout exceptionnel, et que dire del grimbergen, que ché eune biere qu ale arsonne à la Leffe , mais de loin quand meme, meme si in dit qu ale a été fabriquée au moyen ache ...

pourquoi ché tro bieres là, vous m' direz cha fait du choix, bin nan , ché tro bieres qui appartiennent au groupe danois carlberg

in fait in racatant eune paire ed brasseries, i zont écrémés ché marques in gardant qu eune partie d' la diversité des bieres fabriquées, pi aprés i zont beau jeu d' vous faire croire qui a du choix ....
cha a été parel durant les trintes dernieres années pour ché tuiles, tout y a été racaté par huguenot fenal ,et que aprés cha s est appelé terréal, bin si vous saviez l' nompe d' sortes d' tuiles qui ont disparues in trinte ans , seriez effarés .......

pour l' biere ché l' meme cosse, alors mi j' dis haut et fort, vive la Jupiler, vive la Stella Artois, et j' diro aussi vive la Biere de Saint Omer, et surtout Vive la bière Pils .......et vive la diversité .....

minloute t'as oublié ed citer la bière du ch'ti et l' bière ed noël. bière qu'ej n'apprécie pas particulièremint ché "tape ale tiête".