l'essoreusse

ouais mes gins mi j a connu cha l essoreusse, l essoreusse à linche
eune essoreusse à linche electrique, l' premier progres que m' mère ale a eu pour faire l' lessiffe , ale a eu cha in fait avant d avoir eune machine à laver
ale continuo à faire l' buée avec l' lessiveusse such' fourniau que d' ailleurs si vous vous souv'nez cha crépito toudi quand qui avo des gouttes d' vapeur qui s échapottent del lessiveusse et qui tombottent sul' plaque caude du fourneau

d' ailleurs minloute i voulo l imiter , mais i s' faijo souvint printe , chéto d' discrèt'mint cracher sul' couverque du fourniau, là du que chéto l' plus caud , pour vire , escusez me du terme, pour vire ch' mollard bouillir

bon appétit mes gins

pour in arvénir à l essoreusse, chéto comme un tupe cylindrique monté sur des caoutchouques et que dins ch' tupe yavo un tambour vertical

et j' me souviens d' em mère quand quale avo mis du linche d' dins, et qu ale alleumo ch' bouton d' estricité, chéto comme un momint d' rodéo ...l' machine ale tourno d' plus in plus vite et i fallo qu' ale plaque l' couverque pour éviter qu' l essoreusse ale fasse l'tourne del mason rin qu en vibrant , pire que m' mere ale fasse marie popine et qu ale s invole tout in restant accrochée à l essoreusse

les années ont passé, ch' couverque in plastique i a rindu l ame, l' machine à laver ale est arrivée, mais l' essoreusse ale a continué à servir, rin mes gins que pour essorer l' salate verte ....

in dit toudis ah chéto miu avant, mi j' a l' souv'nir des mains d em mère aprés la lessiffe

des mains qu ale induiso avec eune espèce ed pommate , vu qu ale avo attrapée d' sacrées crevasses

cha cha a été un sacré progrès et quand qu on s' rappelle, chéto vraimint des bios cadeaux pour la fete des mères ou la noel, d' pouvoir acater un apparel electro ménager

nous aussi on in avo eune comme cha avec ech' bec devant. i falo mette eune bassine in d'sous pour récupérer el l'iau

En lien el fameusse essoreusse sur eune publicité d'l'époque

L'essoreuse

zactemint cha , et ché pour cha j' a oublié del dire que m' mère ale devo t'nir l' essoreusse quand quale tourno vite, pasque sinan ale bougeo et té pouvo et' sur que ch' fameux bec verseur i auro pu été juste au d'sus del' bassine in plastique ...

ch'est vrai que chétot pas stape du tout, in s'demindot toudis si ale allot pas décoller, mais j'em souviens que quand i faijot biau em grand ale la faijot tourner ale cour, cha évitot ed surveiller el bassine ..