El traval par Lucie Krawczyk

Et voilà, in nous sonne les orelles pou' travaller pluss, in ch' momint !
Dire que nos aïeux mineurs z'ont lutté pou' avoir des drôts sociaux, et v'là-ti pas qu' chà va n'êt' qu'un souv'nir !
Pou' vous armonter l' moral, j' vous mets eunne poésie dé m' composition, comme d'hab' !
Ch'est comme un cri d' révolte, à vous d' juger !

TRAVAL' ET TAIS-T' TE

Avint, dins l' timps, tin destin, ch'étôt l' mine,
Ou alors, t'allôs bosser d' z'années à ch' l'usine !
Y' a pus d' mines, y' a moins d'usines d' nos jours,
Mais au turbin, y faut y' aller,... vite, in y court !
Dins l' région, y' avôt gramint ed' confections,
Maint'nint, ch'est fabriqué dins les pays nippons !
Chés patrons z'ont trouvé là un sacré bon filon,
Pou' pas donner à ch' z'ouvriers d' z'augmintations !
Et quind y z'in d'mindent, in fait dé l' délocalisation,
Ch'est eunne obligation, su' eusses, in fait pression !
Ouais, dins chés foutus pays, là-bas,
L' main-d'oeuv' est moitié prix, aux patrons, chà leu' va !
Y travall'ttent tertous comme des vrais malates,
Pou' avoir des clopinettes, minger du riz et dé l' salate !
Intre eusses et nous, nan, in n'a pas les mêmes valeurs,
Mais tout chà, chà n' fait pas vraimint not' bonheur !
Avint, pou' d' l'ouvrache, personne n'étôt difficile,
'Jourd'hui, pou' eunne plache, ch'est moins facile !
Pus t'as d' diplômes, pus té n' n'est bardé et décoré,
Moins in veut t' printe, et surtout, moins in veut t' payer !
alors, pourquô aller à l'université pou' étudier,
Quind té sais d'jà qu' té vas finir par pointer ?
Pus in avinche dins l' timps, pus in chinge l' donne,
Certains n' fouttent rin, ch' l'ouvrier dôt êt' un surhomme !
In nous dit qué pus in traval'ra, pus in s'ra payé,
Mais su' l' fiche d' paie, in va rud'mint nous voler !
Ou alors, in aura un peu pus d' sous dins l' porte-monnaie,
Mais attintion à ch' z'impôt, tout c' qu'in va donner !
Jé n' sais pas dû qu'in s'in va, mais pus passe l' timps,
Pus in nous esploite, pus in n'in veut à not' argint !
Pourtint, in n' l'a pas volé, in l' l'a plutôt bin mérité,
Car final'mint, ch'est l' z'ouvrier qu'y' a l' pus bossé !
Ah, si j'avôs su, dins m' jeunesse, j'aurôs fait Miniss',
Comme chà, su' eunne bonne plache, j' s'rôs bin assiss' !
Y m' simb' qu'y' a eunne quinchon qui parle dé l' richesse,
"Ah, si j'étôs riche !", mi, chà m' donne dé l' tristesse,
Car min destin, ch'est-ti pas malheureux, mes gins,
Ch'est d'écrire tout plein d' vers in alexindrin !
Y' n' mé minque pus qu'un t'chiot peu d' célébrité,
Mais j' sais qu' ch' t'un rêf' qu'y' est loin dé s' réaliser !
Pourtint, chà m' facilit'rôs rud'mint l' traval,
Avoir des sous facil'mint, certains trouv'ttent chà normal !
Mi, j' veux seul'mint vous faire rire et sourire,
Sins pou' autint gagner des millions et m'inrichir !
J'a sûr'mint râté l'occasion d' faire l' comique,
Ch'est comme chà, in n' va pas faire dins l' tragique !
Bon, j' vas vous laicher ichi, j' vas aller travaler,
Comme chà, min esprit aura moins d' noires pinsées !
Avint d' vous quitter, travailleux qui trimez au boulot,
J' vous dis seul'mint : "Bon courache, et surtout bravo !",
Car in n'a biau avoir des gins dins chés hautes sphères,
Ch'est grâche aux z'ouvriers qu'in fait l' puss' d'affaires !

bin j'ai rin a ajouter , pourtant j'voudros , mais j'sais pu , et pi j'pinse ecqu' lucie al a tout dit
alors tout simplemint bravo lucie