le fonctionnement des lessiveuses

j'ai un tro ed mémoire, j'em rappelle pus à quoi servot el champignon qui avot au mi temps des lessiveuses quand nos mères faisotent bouillir el linche. si quiquin peut m' rafraîchir cha m'inringerot

En réponse je mets le lien vers un sujet de Ch'Zio avec photos explicatives sur les lessiveuses

El lessive in 1930

en date de mai et juin 2006 vous trouverez d'autres sujets explicatifs sur les lessiveuses de différentes époques dans la rubrique "La lessive, la toilette" et aussi de nombreux autres sujets sur nos souvenirs de lessive dan cette rubrique

ech' champignon d'el bouleusse y servot à arroser ech' linche du d'seur avec el l'ieau du d'sous ,
j'a ravisé chés photos de ch'zio , mi j'em rappelle que din chés années 1950 , em mère al battot cor sin linge din un bacquet in bos comme d'su l'photo , mais al plache d'ech'moteur chétot em 'mère et in ed' mes soeurs , ed' chaque coté , qui poussotent in poignée , in fos main droite in fos main gauche , et cha faijot tournée din ch' bacquet 2 pales in bos ech' linche yétot battu comme cha , ech' moteur électrique comme in vot d'su l'photo , yé arrivé apres , du moins al maison

In applot cha aussi un' bouilleusse. El queminée du milieu al servot quand l'iau al étot bouillante. Al armontot par el queminée et ainsi in tournot ech linche avec un' espèce ed grosse pinche in bos.
In s'servot aussi d'el bouilleusse pour faire ché conserfes quand in avot un gardin, in faijot des conserfes ed pos d'chuque (haricots verts). In mettot ché pots in verre dins l'bouilleuse pour les stériliser. Et pi chez mes parints in s'in servot quand in faijot d'el bière. del l'iau d'l'autobrasseur du chuque à la fin dins l'boutelle et hop del bière ed ménache.
Et pi ch'couverque y servot l'hiver ou sur ech terril comme luge.
Et pi quand in s'in servot pu, in s'in servot comme poubelle avant qu'in a des poubelles in plastique. Rapplez vous mes gins, rapplez vous...
In bouilleuse ché comme un pourchiau, in jette à rien, in utilisse tout