Fortuné

Fortuné j' t a djà fait un bio artique, que meme asteure té dins l' rubrique des "personnalités"

ouais té l' mérito ché l' moins qu on puisse dire, tes ziux blus souvint plissés que t avo ker rire , l' cigarette roulée , mouillée au coin del' bouque

du ptit gris qu' té fumo, du scaferlati, du piquant dins les ziux cha ...............

ché vrai comme j 'dijo si t éto cor là ou si j avo eu ach' momint là l' idée d' t inregistrer ou d arcopier c'que té dijo ..
j' me souviens que té parlo del' riv'laine , ch' pic à 2 pointes, d' tin service militaire in afrique avant la seconde guerre mondiale, et qui fallo toudis garder eune ceinture ed flanelle autour del taille, jour et nuit ..........
t in connaisso un rayon su les mines, mais l' plus important ,chéto que té parlo que patois
alors l' "machin del chosse" "choss' untel" "le lévier" "l' esquelette" des "chtichi" des "chtilale" des "à mon des' mère", les "j éto farcé" , les "pique nicque doule ché ti ch' l indoule" , chéto min Fortuné , eune masse avec un gros coeur

pi un jour Marie , s' femme ale est partie , et min Fortuné y a eu plus que du mau à l accepter ......... j' me souviens d' ti , Fortuné, que t éto bin handicapé , avec tes bouteles pasque té faijo d' l emphysème

t' avo du mau à respirer, t avo perdu tin sourire, pi un jour té parti , comme et' vie , sans faire ed ' bruit ..

ché pour cha aussi que j' voulo l armette à la lumière ......

quand in dit qu'té un poête din tin genre , ché bin el vérité , et un plus ta in sacré mémoire , ed'pu qu'ej'té connos , j'em posse el question , " commint té fais pour artenir tout cha " mi j'pinses qu'té dos avoir plus ed' neuronnes ecq'mi , et même ecq' grammint d'monte

nan , j' cro pas, j' sais que j a plutot eune mémoire "visuelle" mais surtout Fortuné te sait , chéto un braffe, ah j avo oublié eune "chosse" ...

Fortuné , quand qui alleumo , ou plutot ralleumo, ou plutot rarallumo s' cigarette roulée, i avo un briquet zip , savez ché briquets qu eune fo que t' ouffe ch' clapet et que te tourne l' roulette, y a eune flamme ed chinq metes qui n in sort ( là ché vrai j exagére) , mais chéto un coup à s' bruler ché cils, ché sourcils voire ché caveux si te faijo pas attintion ...
pi aprés cha sinto l' essince à plein nez quand qui arfermo d un geste rapite ch' capuchon such' briquet ...

i saquo un coup sul' cigarette, qui allo s' coller d un coup d' lanque au coin des' bouque .......

d' ailleurs qu in qui parlo , in savo d avinche que cha allo finir par "chosse" , "chosse" chéto sin mot préféré ...

mais mi j avo min surnom, i m' app'lo , j'devo avoir 8 10 ans à ch' t époque là, i m app' lo "vagabond" quand que j'faijo ch' pite .......

Fortuné, ch' mineur au regard clair, mais que j associe à Mr Leufrançois, ch' "viu" monsieur qui m' faijo peur quand qui passo such' trottoir d in face, ch' "viu" monsieur, qui avincho tout douch' mint avec sin panier à provision, et ses chaussons à ses pieds
ch' viu monsieur qui s arréto pour cracher in raclant bruyamment ses poumons, enfin c' qui in resto ...
ché y a queques zannées que j a artrouvé sin faire part dins les papiers d' min père , et là j' su tombé such' derriere, ch' "viu" monsieur d' mon enfance ,que j y donno bin 80 ans , in' n avo que 67 à sin décés ......

j' oublie pas aussi Casimir, que j a vu al' fin des' vie , perdu au miyeu d' sin fauteul, tel' mint y éto d'venu maique , li ya décédé à 64 ans ..............

tro personnes bin différentes physiqu'mint, et meme d' caractère , mais qui ont connu toutes les trois eune fin d' vie bin difficile à cause d'avoir déchindu tant d' fos au fond .........