quate masons in eune suite

j' viens d' lire l' sujet que Nounours y a mis su sin quartier (quate masons in eune), j' diro qui nous a pas fait l' visite d' sin quartier, nan , il l a arvit

il l a arvit avec s' vision d infant, eune vision "déformée" ou plutot "sélective" , qui a arconstitué sin passé avec ses souv'nirs

al' lecture , ché là qu in vo que Bruay ,par s' configuration géographique, construite , étalée sur eune paire d' colline intourant l' viux bruay, ou plutot qui s a developpée en fonction des résultats des forages du carbon, ché là qu in vo qui yavo des quartiers bin distincts

dins chaque quartier , t avo tout ché commerces , pas la peine d' el quitter pour aller acater à minger, aller al' phramacie ou acater tin poste d' télévision

sans oublier s' n école primaire

d' abord tout été régimenté comme cha, parel pour tin med'cin des mines, si t habito dins tel quartier, t éto rattaché à tel dispinsaire, donc à tel med' cin et te pouvo pas in canger à moins d' déménager

et déménager à ch' t époque là, ché pas comme asteure, du que t auro l' choix plus facil'mint aujourd hui à en trouver eune, qu avant chéto la croix et la banniere

in cangeo pas si souvint qu' cha d' quartier , bon in connaisso tout l' rue Cadot, l' rue Alfred Leroy , chéto un temps quand qui yavo d'zilluminations à Bruay pour la Noel , t allo acater tes cadeaux en centre ville : un liffe chez Dupond, eune boite ed chuque à la Bonbonniere, des juets aux Nouvelles Galeries ou à Prisunic .......sans oublier ché magasins à bijoux près du Cercle ou Aux Arcades pour ché belles rhabillures ....

pi à faire ché courses en centre ville , této vite mate, yavo du monte partout dins ché magasins et su ché trottoirs , alors pour in printe chinq, té t arréto ach' bistrot

Café de la Paix, Café du Centre, La Maxeville, Ch' Papou...... ouais pi fallo aussi attinte ch' bus pour armonter vers l' 3 ou l' 6.......

pas facile d' faire ché courses in ville pasque y avo du monte su ché trottoirs , pi connaissez ché gins d ichi, quand qu on s' rincontre ...l' temps d' printe des nouvelles del' famile, del niece, del tante , du fibrome de cthilale , des varices de chtichi, cha fait vite in atroup' mint ...

mais chéto bin sympathique

sans armette eune litanie, zavez compris que tout c' qu in a écrit Nounours et mi , chéto avant 1972 1973 quand qui zont construit ch' magasin Carrefour à Labussiere, (cachez pas les plus jones du qui est l' magasin Carrefour, après i a cangé d enseine , i s appelle Cora achteure)