quate masons in eune

quand ess v'nu au monte mes parints restotent rue du Soleil à Divion. insuite in est partis habiter dins un "pavillon" such' boul'vard Basly à Bruay au 39 pus exactemint. el mason al' étot séparée in 4; i avot deux habitations qui donnotent such' boul'vard et les deux autes dins l' rue ed Nice. chéto pas bien grand deux pièches in bas, deux champes mansardées in haut, un couloir, el baraque à carbon, ech' cabinet et l'arrière cuisine avec ech' fourneau. inutile ed vous dire qui n'avot ni cour, ni gardin. ech'ti ed min père i étot rue ed François Calonne.
j'espère que mes souv'nirs sont exacts parce qu'ej'sais qu'in chti naute i a habité el meme mason in peut pus loin mais pas dins les memes années ej vous parle d'un temps que les moins ed 50 t'ans n' peufent pas connaître, par conte côté commerce in éto bien achalandé.
tiens comme vous etes saches et qui est tôt i est 8h du mat' et que j'ai tout mon temps et pour vous faire plaiji, ej vous innmène faire un tour des commerces qui avo such' boul'vard.
quand t'arrivos in haut d'el côte du 3, i avo ech" café Georgette dusse que j'allo quer mes 20 centimes ed bonbons avant d'aller à l'école Félix Faure qui étot d'eune crasseté repoussante. à côté, eune épicerie, el pharmacie Boucly, el bouch'rie polonaise in peut pus loin à côté d'el mason qui penche cor eune épicerie et un pressing. vous m' suivez? in va passer in d'sous d'ech' pont qui n'existe pus. j'étos in admiration quand ej véyos passer ech' train avec ses wagons querqué ed carbon qui s'in allot à l' cokerie Carbolux.
ravisez à droite et à gauche pour vire si a pas ed carettes in va traverser el rue Desilligny. la aussi i avot eune boucherie, ej bureau ed toubac anciennemint à mo Liturgie, ech' marchand ed légumes Libersart. in peut pus bas à mo Plouviez Taverne ech' coiffeur Serge, el boulingerie Facon (ech nom la j'en' peut pas l'oublier parce que disons qu'on a quelques liens ed parenté du côté d'em mère), cor eune épicerie, el boucherie Sénéchal.
in va traverser el plache ed Marles in faisant attention qu'ech' car bleu nous écrase pas in faisant demi-tour pour ar' partir au cercle. zut! ché vrai el plache ale n'éxiste te pus et ch' car i n' fait pus el navette. ej vous invite à boire un verre au terminus anciennemint à mo Guéssinsse (bonjour à Mado et à Daniel Poquet).
voilà fin du shopping. j'in ai peut ete oublié queques un, mais 51 ans sont passés par la. ha,si j'avos oublié ech' magasin anciennemint à mo Titren in haut du boul'vard el seul épicerie qui reste au trois. si vous avez d'el patience ravisez sur el site j'avos mis eune photo i a deux ans j'auros bien voulu vous inmener faire el tour des magasins d'el côte du trois mais j'ai pas l' courache ed faire emi-tour j'ai d' mos à mes gampes ou putôt à min dogt ben ouais mes gins ej buque qu'avec un dogt heureuseumint que j'in fait pas autant avec em' guitare..
si j'ai pu raviver des souv'nirs oubliés pour certains ou certaines quinquas comme j'aurais pas passé eune heure pour rien. ne l' dites pas à personne i m'a fallu eune heure pour écrire el sujet intre les corrections, les rajouts, les suppressions. corriger les fautes quoique qui dot cor suremint cor i in avoir mais tant pis comme in dit l'essentiel ché ed participer.