Vaccination

Y' a pas incor' longtimps, in nous faichôt tout un plat su' l' vaccin d'eunne certaine grippe !
D' min timps, in étôt aussi vacciné pou' l' BCG, l' variole, l' polio.
Jé m' souviens, à Libercourt, in étôt tous in rang à l' salle du Verger in train d'attint' sin tour avec nos mamans, un peu effrayés car in intindôt des camarates brairent ou hurler comme des cochons qu'in égorgent !
Ch' méd'cin dé ch' momint-là étôt eunne brute, y ténôt pluss du vétérinaire à vaques qu'à humain, si vous voïez c' que j' veux dire !
Au suivant !
Ni eunne, ni deusses, hop, présentez épaule, désinfection à l'alcool, piquez (chà faichôt mal !) et hop, in s' r'habil' et... au suivant !
D' rétour à l' mason, après avoir marché que'ques kilomèt's, in étôt pas trop bin !
Et dins l' journée, chà n' s'arringeôt pas !
L'épaule piquée nous linçôt et pas qu'un peu, eunne sorte d' boule s' formôt à l'indrôt dé l' piqûre,... et j'in passe !
'Jourd'hui, y suffit qu'un microp' arrive su' ch' territoire, et ch'est la panique, faut vacciner tout l' monte, tout in sachant qué ch' foutu microp' y n' fait qué d' passer sins forchémint vouloir nous attaquer !
In pluss' chà coûte quer et tout chà pou' nous dire que'ques timps plus tard, qué l' panique n'étôt pas à la hauteur du mouvemint qu'in avôt déclinché !
Drôle de monde, mes gins, drôle de monde !

j'ai connu el piqûre et aussi les trois traits qu'in nous faiso avec eune plume sur l'épaule.

Qui ché quisse rappelle dech morceau ed collant qu'in nous metto et qu'in décollot quique jours après pour vire el réaction . J'sais pu du qu'in l'metto, si chéto sur el poitrine ou asse n'épaule.

pour réponte à boxerman:
cha sap'lo eune cuti. les médecins nous collotent sur el poitrine. chéto pour détecter certaines maladies notamint el tuberculose. i fallo attinte eune paire ed jours avant que cha vire au rouche pour savoir si chéto négatif.
par la suite, virer esse cuti cha voulo dire qu'un jone homme vénot d'esse marier.

nounours jé n'sus pas d'accord avec ti sur l'expression
et jé n'voudros pas rintrer dins un débat qui n'a rien à vire avec el sujet , mais "virer sa cuti" au sens premier du terme c'est "Avoir une réaction positive à un test cutané (cuti-réaction)" et dans le sens familier c'est "Réagir pour la première fois à quelque chose, subir un changement radical dans son existence"
Ce qui par extension et par métaphore dans le langage courant veut donc dire "Changer radicalement de mode de vie, de comportement" mais surtout changer de préférence sexuelle......

ché ti qui a raison marie-claire j'em' sus planté j'ai écrit négatif au lieu ed positif.
quand ale l'expression: "virer esse cuti" cha dot varier selon les villes et les villaches.
bon we.
J-M