Les jardinsProm'nate d'un cat in lindeau
par Lucie Krawczyk le, 03/05/2010Suite à m' visite de c' jour, j'ai appris qu' Marie-Claire avôt un t'chiot quien, un bébé à poil !
Mi, 'jourd'hui, j' vas vous raconter l'histoire du cat dé m' soeur qui s' baladôt dins un lindeau.
In fait, m' soeur avôt eunne chatte, Mimi, d' sin prénom.
In pluss', elle avôt un t'chiot lindeau pou' prom'ner ses poupées dins l' cité.
Mais, elle a eu eunne idée : elle a couqué ch' catte dins l' lindeau, l'a r'couvert d'eunne couverture et in avint, elle s'in va avec sin lindeau s' ballader dins les rues dé l' cité, comme eunne t'chiote maman.
Les vôsins, qui connaîchôttent m' soeur, s'approch'ttent d'elle et d' sin lindeau pou' vire l' poupée d'dins, mais surpriss', au momint dé dire : "Oh, quelle belle poupée tu as !", v'là-ti pas qu'y découvrent eunne catte bin installée comme dins un berceau et qui dormôt à pattes fermées, couchée su' l' côté !(Comme elle avôt été installée, elle n'avôt pas bougé d'un poil !)
M' soeur étôte fière d'avoir un peu trompé chés gins gintimint !
Par la suite, ch' catte s'a sauvé quind elle a comminché à courir à mâles.
J' n'étôs pas incor' née lors dé ch' t'histoire, mais in m' l'a raconté et j' trouf' chà bin tendre et enfantin !
