famille tuyau d' poele

allez in peut l' dire in a tous connu cha , in a tous connu eune famile tuyau d' poele qui habito pas loin d' chez soi
ché d ailleurs c' qui est inquiétant , ché que si tout l' monte y a connu eune famile tuyau d' poele, in a ptete été nous meme considéré comme eune famile tuyau d' poele ...

niche dins l' cour, avec ech' chtien attaché à eune laisse , et qui aboyo comme un dératé dés que quéqu un passo d' vant l' porte del' cour

ingueulates, cris, portes qu ale claquo, infants quequ' fos laissés à eux memes, ou plutot que chéto l' grante soeur qu ale superviso tout

vite cassée, remplachée par un bout d' carton, rideaux qui tennottent tout seu, tel' mint que cha faijo d' zannées qui zétotent in plache ....

mais l' pire chéto derriere, ch' gardin, l' seul del' rue qui laisso monter ché porions et ché choux , et qui laisso l herpe invahir tout cha, mon diu que malheur .....

claqu'mint d' portes, j' dijo, départ du mari qui démarro in trombe sur es' mobylette, quand que j' dis in trombe , y a quand meme fallu qui pédale comme un ébeulé , fasse tourner ch' moteur à fond, arjette l' béquile del' mobylette in arriere et allez roulez bolide .......

in s in moquo j' me souviens , quand qu in passo d' vant l' mason in faijo expres d' met' not' nez entre ch' pouce et l index et d' faire eune tiete ed ' dégouté .......

in s in moquo, et j ' la djà dit un coup j' m a moqué d eune file d 'eune famile tuyau d' poele , j' devo et' in quatrieme , et là min père , qui avo été l' veille au conseil d' classe , i m a armis dins les naziaux , que tout famile tuyau d' poele qu ale éto, ale avo un meilleur clas'mint que mi, et là cha a été pire que si j avo archu eune baffe dins m' guiffe ...