voitures dins chés cités

Jé n' sus pas si vieill' qu' chà, mais jé m' souviens qu' dins chés cités minières, quind j'étôte pétiote, y' avôt pas gramint d' voitures comme mint'nint.
Quind y' en avôt, ch'étôt un évèn'mint !
Jé m' rappelle quind j'a comminché min apprintissage de ch' permis d' conduire, l' prémière leçon, j'a conduit comme eunne pro !
Première, clignotint à droite ou à gauche, passer chés vitesses in timps et in heure !
Même ch' moniteur d'auto-école n'in rév'nôt pas, ch'est dire !
Mais chà n'a pas duré longtimps !
A l' prochaine leçon, catastrophe, terminé l' professionnalisme, un vrai dinger public !
Aujourd'hui, dins chés cités, y' autint d' voitures que d' z'habitints !
D'ailleurs, jé m' rappelle aussi qu'avint, in s' déplachôt à pied pou' aller à l'école ou au magasin d' proximité, in avôt pas peur d' marcher !
D' nos jours, chés gosses sont conduits jusqu'à l' porte d' l'école et incor', si in dévrôt les déposer dins l' classe in voiture, chà s'rôt incor' miûx !
ch'est sûr, l' voiture ch'est bin pratique mais parfôs jé m' dit qu'in dévrôt aussi dév'loppé un peu puss d'aut's moyens d' locomotion !
Mais bon, chà, ch' t' eunne aut' histoire !

quand y'avot gramint d'voitures din l'rue ché pasque y'avot un mariache

ej connos des pinsionnés qui vont juer au boules tous les jours. ej boulodrome ou putôt ech' parc i est situé à proximité el leurs masons. i viennent in carette, alors qui z'irotent pus vite à pied. ej l'ai comprinds i sont viux peut ete que leurs boules i sont trop lourdes à porter. ej voudros juste ajouter eune chosse: si les jones d'asteur i voudrotent juer au foot dins ché corons cha n's'ro pus possipe. ben ouais un pare brisse cha coûte pus quer qu'un carreau ed mason, sans compter les autes dégâts que cha pourros occasionner et les bagarres qui pourotent s'in suivre.