Les jardinsArpiqueux d'pourions
par Mozinpef le, 02/04/2010Bonjour à tertousses!
J'fais pos partie de vote grinde famille ed mineurs, ed fius, ou d'tiots fius d'mineurs, donc, j'peux pos partager vo souvnirs de l'vie dins chés corons, mais j'voulos vous dire que j'ai des souvnirs ed vouzotes.
Min père, ch'étot un tiot cinsier qui cultivot eune paire d'hectares à: Mos in Pève (Mons en Pévèle). Yétot pos propriétaire, mais juste cinsier qui payot un fermage pour pouvoir cultiver.
Quind y arrivot l'fin juin, à la fin d'l'année scolaire, in véyot débarquer dins ch'villache, des jônes écoliers qui cachottent à l'ouvrache pour arpiquer pourions, ou, ramasser patates. Y v'nottent à vélo, ed Leforest, Ostricourt, Oignies, Libercourt, y étotent pos fainiants, et chés cinsiers y z'avottent b'zoin d'main d'oeufe pour fair l'ouvrache!
In étot fin bénache ed les vire arriver, pasque in savot qu'y étottent courageux, et qui archignottent jamais sur l'ouvrache!
Comme y z'étottent payés, in fin d'semaine, in liquide, fallot vire leus mines réjouies, quind y touchottent la paye!
Ch'étot juste min témoignache pour armercier, et rindre homache à chés tiots courageux; j'sus sûr qui n'da qui s'arconnaîtront dins chés jônes la!
Amitiés à tertous, et eune grosse baisse à Maceju, que j'ai cotoyé pindint un temps sur un aute forum chti!
