tarte aux poireaux d' grand mère

là j a rin à dire, chéto super bon meme si chéto grand mère qui a fait l' arcette du début à la fin, sans que j' so derriere elle

mais savez am' l a avoué ,aprés ale m a dit " te sait t éto pas là , mais ché comme si j' sinto eut' présence au d'sus d' mi , comme si j avo Saint Christophe au d'sus d' em' tiete" .......

j' comprinds c' qu ale a pu arsintir, ché cha quand te vit à coté d un dieu vivant ...(j écris cha pasque grand mère ale est monté s' couquer )

on acate eune pate feuilletée toute faite, si ché des porions frais, on les fait cuire, si ché des porions qui sont argélés alors là in les fait arvenir dins du bure pour les faire simplemint ramollir et in rajoutte ché lardons
lardons fumés j' précisse
in fait bin tout arvénir et qu' cha colore un tchiot peu

après in les verse sul' pate feuilletée

aprés te fait eune préparation, té print 3 zeufs battus avec del creme fraiche, l' dosache del creme fraiche cha fait 2 grosses cuilleres à soupe ed crème fraiche épaisse

on verse la préparation su ché porions et ch' lard

on soupoude de gruyère rapé et te met au four 25 minutes à 150 degrés
ché tout et aprés tel' sort du four, te laisse arfroidir un tchiot peu et aprés te deguste

bon j' sais bin in n a qui vont dire quo ? del pate toute faite ! mi al' mason in fait cha à l ancienne, roulé sous les aisselles et in rajoute des mouquiles qui ont séqué al' plache du gruyère, ou del pichate ed baudet

in tout cas mi j' peux vous dire que chéto léger , et super bon ,et meme si cha peut faire bondir ché puristes, j a ker utiliser des porions surgelés coupés in rondelles

pasque ché plus facile après pour découper l' tarte, pi pour deux zotes cosses

quand que vous acatez des porions frais , vous acatez cha au kilo pi à moins qu' zallez faire eune soupe avec l' vert des porions, sans quo vous aller j'ter al' poubelle ch' vert que pourtant zavez acaté au poids ...

pi aut' cosse aussi, l' porion surgelé souvint ché fait dans la foulée qui a été artiré del ' terre , donc y garte plus ed vitamine que ch' porion"frais" qu in trouffe dins ché étal

et dernier point à 1.20 euros ch' kilo in surgelés cha fait un plat plus qu abordape

zavez vu minloute i s y conno , car j' fais ché courses souvint