Les jardinsEl bon beuveux
par MERICOURT le, 18/03/2010In vient d'porter in ter' Zidore ech' bowetteux,
L'pauv' diab s'a énoqué in beuvant enn'
bistoul';
Ch'est là l'pus triss' des morts, surtout pour in beuveux
Qui disot qué l'Vichy n'est bon qu' pou' les guernoulles .
Ch'étot un bon garchon, toudis prop'
comme in sou,
Tous les jours au matin d'vant dévaler
à l' fosse,
Dins n'in bac ed généfe, i lavot s'nez
d'vant nous.
In l'app'lot Bec-Salé,et ch'tot pou' quét'cosse.
Dins l'métier d' bowetteux,in arniff' les feumières,
Et cha vous donn' viv'mint enn'soif ed leuwarou;
Au bout d'enn'heure à peine, in est tout pris d'poussières,
Zidore à sin bout'lot faisot vit' fair' glouglou.
Comme au fond dé ch'tro d' fosse i g'na rin qui sann' bon,
Sitôt fait l' comarate attrapot l' premièr'cage,
I r' montot si habil' qu'enn' berline ed carbon,
Et chinq minut's après l'v'là sorti bin bénage.
Dins tous chés cabarets i étot archu,
Pou noier les poussières, i avalot enn'
pinte,
Pis, pou'intasser l'bière, enn' bonne
bistoull' pa' d' su.
Et s' fèmm', quand qu'i rintrot, étot matte ed l'attinte.
"Zidor,té r' v'là in ginss', ladrall'
disot Titine.
" J'ai n'ai bu qu'in verre au cop, répondot Bec-Salé,
" Qué z'affair's d'avoir bu enn' malhéreus' mouss'line,
" Fis-me enne bonn' bistoull',jé n'l'arai point volée ! "
" Té vos bin quand qu' j'ai bu,mais jamais quand qu' j'ai sau,
" Et si j'bos, ch'est del faute ed défunt m' pauv' viell' mère,
" Qu'all' m'a sévré aveuc enn' queue d'
sauret nouviau.
" Aussi, n' dis rin, Titinn', rimplis habil' min verre !"
BLUETTES DU PAYS NOIR
Abel PENTEL 1929
j'vas aller vir cha , j'ai d'ja essayé , mais sans succés, in verra si j'su plus dégourdi qu'd'habitute
