Les jardinsl' boite à boutons
par minloute le, 14/03/2010ché vrai in a tous connu cha, l' boite à boutons, chéto l' trousse à framacie des manmans ...
tu tutu , i manque un bouton m'man
ah té t as cor battu ché pas possipe
nan nan manman j' jjure ........
(plus qu in juro , plus qu in minto)
alors in resto à coté d' not' manman , qui dijo ach' momint là " j va querre l' boite "
nous in éto prets à aider "ah nan malheureux te vas tout faire querre à terre , et ché mi qui va cor ramasser"
alors eune fos l' boite sul' tape, manman ale cacho LE bouton qui manquo, si ale trouvo pas , ale cacho LE bouton qui pourro rimplacher, et si cha allo pas ale dijo in m' ravisant "j' va devoir aller chez mad'moiselle Defernez"
cha voulo dire aussi que là bo chéto pas gratuit ....
mais souvint ale trouvo l' solution, un bouton bleu foncé pouvo passer pour un bouton noir , pi si j éto pas contint j avo qu à faire attintion à mes loques
alors pindant qu ale arcouso , mi j'parto à l aventure ed 'la boite à boutons, à soul' ver, à fouiller, à cacher , à raviser ché boutons mais aussi in trouvo aussi des bagues, et meme j' me souviens des chapelets .....
