Les jardinsEch' Bernatier
par MERICOURT le, 10/03/2010Dins ch' pauv' monne ed misère i gn'a point d' sot métier,
Ch'ti chi est esquintant, ch'ti-la est difficile,
s'i faut du "sintimint", parlons dé ch'bernatier ;
In n'peut point s'passer d'li, ch'est un gins fort utile .
I faut din, d'timps in temps, widier s'commodité
Si un veut, dins s'gardin, avoir des bell's légueumes .
Pou'rassaquer l'moliqu', cha ch'est la vérité,
Faudra qué l'bernatier princh' quét'coss' pou' sin rheume .
Vous connichez tertous l'sytème ed l'ancien temps:
Enn' longu' perche à pos d'chuc, cloée sur enne castrole,
Widiot dins n'in séau les chirops dégoûtants
Qu'in versot dins s' gardin tout du long d'enn' rigole .
Aduex chints mètr's ed long ch' larlint
s'faisot sintir,
Aussi à ch'teure in ville v'là commint qu'cha s'pratique:
Ch'est in nouviau systèm'fort subtil,sans mintir,
Et cha s'appel'...J'sais pu...J'cros qu'ch'est tonne " asthmatique".
Chell' grand' machine in fer trinée par in g'vau,
In deus minut's all' fait au mons l'traval' d'enn' heure ;
Pus tant d'esclibotag' pus d'arlint, pus d'séau ;
Ch' bernatier a moins d'mau et s'santé d'vient meilleure .
Ch'est in père ed famille et in brave ovrier,
Et s'i fait ch' sal' métier, ch'est qu'i a l'coeur à plache .
I mérite enn' dringuelle, i n'faut point l'oblier .
Cha vous port'ra si peu, et s'ra si bénache .
Abel PENTEL
Bluettes du Pays Noir - 1929
