dentiste m' tchiot'dentiste

"dentiste m' tchiot' dentiste, m' dint ale va nin et mi j'su triste "
mon diu que malheur mes gins , j avo un bon dentisse et là y a parti in r'traite , et là j a du in trouver un aute

mais j' me plains mais ché d'em faute, savez aprés un détartrache in a toudis des bonnes résolutions, in va y artourne dins 6 s' maines , et pi eune semaine aprés in a volontair'mint oublié cha

là j a du y aller vu que j' commincho à avoir mau aux dints , donc j a trouvé un aut' dentiss, et mi qui croyo qu' min dernier détartrache cha faijo 6 mo , j a honte mais cha faijo bin 1 an et d' mi que j avo pas été au dentisse

j y a été un premier coup, et i s a arrété au bout d un quart d heure et i m a dit " j arrete j' vo pu rin" et i rajoute j' diro qu un mot "sanglant"
bin ouais j avo les genciffes éclatées, du sang partout qu in auro pu faire tro quat' boudins, un carnache mes gins

j' savo que chéto désagréape l' roulette, mais pas àch' point là, ah savez such' fauteule , zauriez pas passé eune feule à cigarettes dins min derriere ...j éto tout contracté
j' rinte à mason j' raconte cha à grand mère qui bin sur, au lieu d' ete compatissante, ale dit "ah vous ché zhommes zetes douillets" et j a eu dro al' fameusse phrasse que j'a dro bin eune fo sur 2 quand que belle manman al' vient al' mason j' vous l écris in majuscule "AH SI CHE ZHOMMES I ZACOUCHEROTTENT , BIN YAURO PAS D 'PROBLEMES D' SURPOPULATION, VU QUE ZETES TEL'MINT DOUILLET"

j a bio leur dire qu ale saffent pas l' douleur que NOUS LES HOMMES in a quand qu on fait les gosses, et qu on dit rin , qu on souffre , pas toudis in silence, mais on souffre ...ale m écoutent te pas

donc ch' matin j' avo cor rendez vous , à l aupe ché l' dentiste, quo qu ale a fait grand mère pindant l' demie heure que minloute i éto pas dins ' n assiette avant d aller à mon dech' dentiste ? j'vous l' dis zallez pas l' croire l' méchanc'té que cha peut avoir eune garnoule ... enfin si vous savez mais , comme mi vous souffrez in silence ...

alors grand mère quo qu ale a fait ? bin ale passo d'vant mi in faisant "bizzzzzzzzz" , "ouinggggggggue" , "bizzzzzzzz"

tout cha pour imiter l' roulette du dentiste

bin cha m a mis dins l ambiance ... à peine que j avo ouvré l'porte d a mon d'chez l' dentiste quo que j intinds, zavez d' viné , l' bruit del' roulette mais là in vrai
j' va vous passer tous ché détails, l' leumiere dins l' guiffe, les ortiaux au plafond, l' gueule ouverte, ch' gob'let in plastique such' coté, le "bizzzzzzzzz" et le "ouingggggue" , pi l' pire chéto pas cha i m a arsorti d' zinstrumints que j 'croyo que cha existo pu

eune espèce ed' rape , pi rintro cha dins m' bouque et i gratto oh vinguette t avo l impression qui nettoyo l' dessous d eune patte ed bidet

à la fin j a quand meme eu m' minute d' gloire, ch' dentiste i a arrété s' roulette pi i m a dit véridique mes gins " j' a eune question à vous poser, zavez pas mau quand que j' vous fait cha, pasque j'su presque au niveau des racines "

alors là , j ' m a presque ardressé mi qui éto arrivé au fin fond du fauteuil presqu à l étache in d' sous ..... et j y dis " si mais vous m'faites peur" cha l a fait rigoler, mi moins pisque j a cor eune paire ed passache à faire , vérification du joint d' culasse, d' l arbre à came, des rotules d' direction ...

mais tout cha ché pour ravoir comme j a dit à grand mère in rintrant, ché pour ravoir min sourire ravageur , que rin qu en souriant un tchiot peu , tout in plissant m' paupiere, et en prenant l' regard du renard des sabes, bin ché garnoules al' tompent à mes pieds ...........

ché pour cha que j a racaté des chaussures d' sécurité , avec des bouts rinforchés in fer, vu qu à forche que ché garnoules ale quettent su mes zortios, ché un coup à attraper des mononques incarnés, ou commint cha s appelle, ché l' nom d un ozio, ah ouais, j' pourro attraper un canari, et cha fait mau un canari