attention danger

j' dis cha pour les plus jones d entre nous, attention danger , ouais zallez vire in d'sous eune belle carte postale
bio coin , ché les iles lofoten , ché en norvége.... ah ché bio, cha faijo réver , j' vous dis pas qu aujourd hui cha f'ro pas sourire d' archevoir eune carte comme cha , mais nous , faut nous escuser, in a connu l' temps du que l' télé soit qu in l avo pas al' mason, soit qu in ravijo cha mais à dosses homéopathiques avec l' fameusse phrasse "demain y ad' l école, in est pas mercredi" et d ailleurs que l' mercredi soir chéto "la piste aux étoiles" avec Roger Lanzac , bon j' m égare
tout cha pour vous dire qu à not' époque , quand qu on archevo à l école un bon point, cor miu eune imache in éto contint et fier , et qu inl' montro tout d' suite à not' mère qui nous attindo ach' portail d' l école .... grand portail d' couleur verte d' l école Loubet

mais yavo djà des cartes dangereusses, comme chelle qui est ind' sous, ché eune carte publicitaire mes gins

zallez dire mais chéto pour quo ch' te carte ? des glaches ? nan un séjour in vagances ? ah nan à not' époque l' norveche chéto pas eune destination touristique

dur à trouver ? j va vous aider, mais faut et' pret aussi à printe l' poude d 'escampette quand que zallez savoir pour quo chéto ...

j' vous aide, les iles lofoten, ché qui a d l io autour, donc du pichon .....savez pas cor compris , bin tant pis pour vous ché trop tard pour printe vos gampes à vo cou ...chéto des cartes publicitaires pour l huile de foie d' morue

rin que l' nom "huile de foie de morue" , rien que l' odeur mes gins , rien qu à l avaler , pi chéto terripe pasque t' mère al' pouvo pas t' dire que chéto un extrait d eune plante exotique, que chéto pas facile à avaler mais que cha faijo du bin pour eu' santé
nan pas possipe, tout y éto dit rin que dinch' nom, ché d' l huile qu on fait avec du foie (que mi j' peux meme pas l' sintir à cuire ) et cor du foie d' pichon ...
un calvaire ,eune torture à boire

alors zavez vu , chéto incidieux ch' truc là, ah t eute dit eune belle carte postale, et ti t a meme pas l' temps d arfermer t' bouque d admiration in ravisant l' photo que t' mère al' t intiquo eune cuillere d' huile ed foie d' morue dint ' bouque

achteure ale f'ro cha ché gamins i zappelerottent j' sais pu quel numéro abrégé qui peuffent appeler quand qui a des violences sur eux

bonjour marie claire et minloute, j'espère que vous allez bien, je veux répondre au sujet "attention danger" je ne sais pas si c'est comme cela qu'il faut faire ?... comme je sais que vous regarder les messages avant de les valider je sais que vous corrigerez si j'ai fait une erreur de direction... merci de me dire si c'est bien comme cela qu'il faut faire...
au fait je ne vois pas la photo correspondant au texte de minloute

donc je voulais mettre :
ah ! l'fameusse boutelle d'huile de foe d'morue, j'la vos cor d'vint mes yux, eune boutelle même pas bielle à raviser.
chez nos elle étot su l'dernière étagère du placard de l'cujine.. eune fos avec min frère in a essayé d'la prinde pou l'mucher mais alors que min frère étot monté su eune cayelle et que j'faisos l'guet, in s'est apercu qu'i avot pus l'boutelle !! in fait cheule lal elle devot ête finie... elle a été vite rimplacée