J'vas canger

J'VAS CANGER de Jean Dufossez

........J'vas canger !!!......., v'là ch'qu' m'digeot, ein' d'mes dernièrs r'lations ,
nul dout' ,qui n'd'avot invie ,ch'tot ein' bonn' résolution .
A savoir mes gins ,combin d'timps i s'donnot pou t'nir es promess' ,
in tous cas , i n'd'étot convaincu ,i n'avot pas l'air d'êt' in détress' .

J'vas canger ....Après tout ,cha paraît facil' à dir' ,
mi ,j' n'os'ros pas l'fair' ,j'craind'ros l' pir' .
J' m'attindros à avoir pas mal d'armontranc's ,
si par hasard i m'arrivos d'trahir les confianc's .

J' vas canger ,i d'vot avoir pas mal d' chos's ,à s'fair' pardonner ,
i s'rindra compt' qu'ch'est qu'et' fos ,bin difficil' à s'fair' pardonner .
D'sus sin comportémint ,va falloir qui invisage des ratur's ,
el vie nous jue des tours , ch'est quind mêm' bin dur' .

Vous pourr'ot' busier ,qu'ch'est un gars qui fait des misèr's à tout l'mont' ,
et qu'bin souvint ,sur li ,cha l'arrif' ,d'avoir hont' .
Bin vous veyez mêm' pas ,bin sur ,j'né l'connot pas bocop ,
mais d'après....Comm' j'l'ai jugé .....Cha m'étonn'ros !

Nan! Ch'est putos ,l'gars bien ,j' li ai dis : T'es trop bon ,
j'ai mêm' insisté in i digeant : T'es trop con .
....J'vas canger ! ...Ch'est comm' cha qué l'conversation s'est terminée .
Ch'est d'là mes gins qu'j'ai décidé d'vous in parler .

Combin d'fos in a invie d'dir' : J'vas canger !
....Mais bon sang !!! Pourquo qu'in né l'fait pas !!!!
Ch'étot un tchiot messach' à tous mes amis ,
si seul'mint ,in peuvot êt' meill'eur dins l'vie .

Si in perdot s'compagn' par el cou et qu'in i digeot : J'vas canger !!
Combin d'coupl's finirot'nt par es raccommoder .
Combin d'divorc's cha évit'rot ,ch'est si facil' dé s'ténir l'main !
Cha s'appell' : mett' dé l'iau dins sin vin .

El vie in duo , est ein' suit' ed concessions réciproqu's ,i n'faut pas perd' el boul' ,
el vie est si court' ,i n'faut point s'imbêter avec des m'noul's .
Mi j'vas vous dir' mes gins : j' sus marié d'pus 47 ans ,alors hein !
Busiez un peu à tout l'iau qu'j'ai mis dins min vin !!!!

ouais bin mi ya 45 ans , qu'ech'su pindu , j'avos 26 ans , et si j'avos bu tout ch' pinard qu' j'ai mis din m'n'ieau , j'cros j'aros un foie comme in chitroule , mais ché la vérité , y faut l'faire , et pour ach'teur tout duchemint in va continuer , mais rien qu'avec d'el l'ieau
ché valape pour elle aussi , j'cros même qu'al n'a mis plus que mi et heureusemint