faut jamais désespérer dans la vie ..

faut jamais desespérer dans la vie, ou j auro pu intituler cha "faut et' indulgent" ou alors pire " ferme eut' guiffe et cache cha"

cha s' ro plutot l' derniere formule qui s'ro l' plus vraie d' la vérité ché sur
j' vous raconte, in est in train d' s attaquer au rang'mint du garache ... faut dire qui a cor des cartons d' l avant dernier déménag'mint qu in avo pas ouvert

là minloute i s a dit , ché pu un garache , d ailleurs cha a jamais été , cha a servi au tout début à entreposer ché cartons dudit déménag'mint , in pouvo meme te pas traverser l' garache , so té preno d un coté ou d' l aute del pieche et pi chéto toute
donc à forche d' coups d' machettes , d écobuache, d' coups d' bulldozer , j a réussi à forcher un passache entre l'porte del cuisine jusqu ale porte extérieure du garache

sauvés zallez dire, nan, pasque in a comminché à canger d' meupes alors in a mis d' zanciens du à vot' avis ? dinch' garache !!!! ouais gagné !!!!!! pi des cartons, pi t acate eune tondeusse, pi t acate eune planche d' snoborte pour ch' garchon, des raquettes à neiche, des bains d' solel, un toboggan pour l' toute tchiote derniere qu ale marche te pas encore , mais ale a djà sin toboggan plastique dinch' garache .... cor heureux que j a dis à grand mère qu in y a pas djà acaté s' carette pour ses 18 ans pasque in l' mettro dins l' salon ...

donc savez ch' passache intre ché cartons d' rang'mint, ché étageres, par momints un peu comme ché rivieres qui dépossent des alluvions, l' passache i s' réduit et cha a failli cor s' boucher

là , j a pris l'tiete des opérations, j à ingueulé mi meme, dit à mi meme d' saquer un peu plus vite, fait des r'montrances à mi meme vu qu in avo gardé chi qui éto cassé , ouais zavez vu y a qu à mi meme que j' pouvo faire d'zarmontrances, vu que grand mère ale éto d accord pour qu on vite l' garache, l' seul probleme ché que dins' tiete "on" chéto "ti tout seul" ale voulo pas v'nir dinch' garache, y a del poussiere, et i fait fro

là j y a dit d' donner un coup d' main qu avec ch' fro cha allo faire pointer ché gougouttes, mais nan ale avo pas d humour donc j a ringé tout seu

ringé tout seu chéto aussi un risque pour grand mère pasque j a artrouvéaussi ch' que j' cacho d'puis un momint qu in trouvo pas bin sur, meme in interrogeant grand mère
pi que là ti t ' artrouvo miraculeus'mint mais bin sur camuché et cassé ....

là ti in colère t' ouvre l' porte del cuisine et t appelle grand mère

elle as' doute al' son d'eute vo que ché graffe, qui a du s' passer quéquosse din l' garache
al' répond pas tout d'suite, ti teul' rappelle un s'gond coup un tchiot peu plus fort si ché possipe, et là t intind eune tchiote vo d infant qui t'dit"oui ? qui m appelle ?" ale déchint toute innochinte d in haut

là té li montre ch' truc cassé té cro qu ale va dire" ouais ché mi j' l avo fait querre a terre mais j'voulo pas teul dire pasque j' savo que ti teno" nan mes gins

té croro que si té pose l'question " mais tel' savo que chéto cassé pourquo te l a camuché" t auro l' réponse franche et direque nan

là , ale arprint du poil d' la bete , ale dit "cha ? " d in air que ché eune bricole , "ah ouais cha ! ouais j' le savo que chéto cassé" ale est djà prete à artourner là haut que te li dit "mais j' te l avo djà d'mindé du qui éto"

et là at' ravisse à peine, ale s artourne et al' dit "j' pinso que té parlo d aute cosse"

et ti te t artrouffe avec ch' truc cassé dins tes mains tout seu
eune fo qu ale éto armonté j a arpris min coupe coupe, pour acceder à l armoire du fond, ouf , min nounours d' infance avec s'gampe artiré y eto toudis là

a croire que tout qui vient d' mi ale a pas ker , chtilale min nounours y a failli partir al' benne quand qu in déménageo y a 15 ans , cha a failli faire disvorce inter nous