Les jardinsles blouses à l'école
par Marie-Claire le, 26/08/2005In mettot eune blouse ou un tablier qu'in dijot plutôt, pour aller à l'école. Chétot un événement l'achat de ch'fameux tablier avant l'rintrée des classes, in avot intérêt à c'qui soit à nou goût passeque souvint in n'avot pas plus que deux. Et in les avot pour l'année scolaire.
In pouvot core s'permette des fantaisies in primaire et au collège dins min cas, mais quand j'sus arrivée au lycée "de jeunes filles" d'Béthune, changement d'musique ..
Un tablier bleu eune semaine et beige l'aute semaine, bon cha pouvot aller du bleu ciel au bleu marine et beige ou blanc, MAIS i fallot pas s'tromper d'semaine passeque cha passot pas inaperçu et l'surveillante générale al veillot au grain et al nous ratot pas.
Cha a duré jusqu'al fin d'em scolarité au Lycée in terminale in 1975, mais chétot dev'nu plus "cool" in mélingeot ché s'maines et d'timps in timps in n'in mettot pas, surtout chés garchons, ou in l'laissot ouverte ..
