Le Louvre Lens

Comme tout le monde le sait, bientôt, Lens et toute la région aura son propre musée du Louvre (In va faire pâlir d'invie chés Parigots, j' vous l' dis !).
Un sacré tournant pour les générations, mais sans oublier nos anciens !
A cette occasion, j'ai composé un poème sur la venue de ce musée dins not' région et grâce à cette poésie, j'ai décroché le 1er prix de poésie CREA2L décerné par l'association du Louvre Lens !
Encore merci à eux !

V'LA CH' LOUV !

Chà y' est, in l' l'a eu, ch' fameux Musée,
Faut dire qu' pou' l'avoir, in a bin bataillé !
Chà va coûter un paquet d' millions,
Pou' aller vire toutes chés espositions !
Mais pou' mi, l' question principale,
Ch'est qu'y faut vraimint qu' chà donne du traval,
A toute eunne région qu'in dit "désespérée",
Mais pou' qui, l' rêf, y s'a infin réalisé !
L' Musée dé ch' Louv' II, ch' t'un sacré filon,
Pou' l' culture et pou' l'éducation !
Mi, in tout cas, chà m' fait bin rigoler,
Car y l' l'ont eu, tertous, dins l' nez !
Et rin qu' pou' imbêter tous chés Parigots,
Eh bin, ch' Louv' II, y s'ra incor' pus biau !
Faut pas croire, dins ch' Nord-Pas-de-Calais,
In a aussi d' belles cosses à moutrer !
In n' vit pas seul'mint avec du carbon,
Dins des cités et dins d' sales corons !
Y faut vraimint vous inl'ver chà dé l' tiête,
Nous aussi, quind in veut, "in s' la pête !"
Dins ch' pays d' mineurs, chés grinds malheurs,
Sont souvint compinsés par des t'chiots bonheurs !
Pou' eunne fôs, tout l' monte, y' est contint,
Et pou' chà, in apprécie ch' gouvernemint,
Qu'y' décidé d' chôsir Linss pou' ch' Musée,
Et dins tous chés corons et toutes chés cités,
Vieux, jônes, fill's, garchons, grinds, pétits,
J' vous l' dis, parole d' mi, tout l' monte y crie :
"Qué vive ch' Prémier Miniss' et ch' Présidint !"
In leu' serr'rôt même bin la main !
Mais attintion, y z'ont pas tout gagné,
avec ch' l'installation dé ch' nouviau Musée !
Si y pinss'ttent qu'y vont tout révolutionner,
Y nous in faut bin puss' pou' nous impressionner !
Et si y veul'ttent nous avoir comme chà,
Alors, frinch'mint, ch'est qu'y nous connaiss'ttent pas !
IN EST DES DURS, DES VRAIS, DES TATOUES,
NOUS, CH'TIMIS ET BOÏAUX ROUCHES DE CH' NORD-PAS-D'-CALAIS !
Pis, ch'est très bin d'avoir un célèp' Musée,
Grâche à li, y n' n'a qui vont travaller !
Chà n' rest'ra pas qu'un grind et biau Musée,
Visité par certaines gins dé l' haute société !
Toute l' régions, pou' chà, s'est mobilisée,
Pou' qué ch' Louv' II d'vienne eunne belle réalité !
Jé n' sais pas si, d' min côté,
J' pourrais, un jour, y' aller,
Mais si l'invie vous prind d' m'inviter,
Faîtes-me plaisi', in cadiau, offrez-me ch' Musée !