j a mis l' habit

j' a mis l habit, ouais mes gins , l habit, l' couronne, l' baton , comme si j' rintro dans eune confrèrie ...

mais ché vrai j' su rintré dans l' confrérie des grand pères, bon grand mère cha faijo in momint que j 'l y avo mis d office ...... mais là ...

autant que j' su d'venu père que cha m a fait plaiji, et ché vrai que ché naissances ché des momints ex tra or di nai res à viffe , surtout pour nous qu in n est pas obligé d' pousser ... quo que l' lend'main au matin , mi j' me souviens pour ch' premier , j avo pris eune cuite mes gins ......
chtiote crevette qui aprés d' main i part in argentine suiffe ses étutes, cha j in su fier , savez , et pi ché li qui a financé sin voyache, aprés l' fac i prenno l' motobylette et i livro des pizzas au soir jusqu à 23 heures, et l' sam'di i travaillo comme caissier au leclerc

bin ché un bel exemple , et ché vrai que j in su fier mais savez j éto contint d' ete papa mais alors quo dire d et' grand père
jamais j auro pinsé cha, j a l impression d' printe l ' dernier habit officiel qu' min père i a porté : à mi aujourd hui à t'nir l' role ed grand père in essayant d' faire aussi bin qu' li ché à dire amour et tolérance

sacré défi à arléver , mais savez hier à tape y avo tous ché zinfants ,ché copains des grantes, l' tchiote d' 15 jours, grand mère et pi in n a pas pu faire autremint in a invité l' mère à grand mère ...... nan ale s a bien t'nue , j' vous vo djà dire , minloute i a du souffert , bin nan , d ailleurs ale éto volontaire pour ché biberons, ouais j y a dis pour ché biberons ouais , mais pas pour donner l' gougoutte pasque là as' n ache, ché pu qu' du lait in poude ......

in éto 9 a tape bin in a mingé des moules frites mes gins , bin sur mi i zont cor l'vé les ziux au ciel quand que j a pris l' boutel' d' vinaique d alcool coloré et que j a mis eune saucée su ché frites et dans eune tchiote tasse à coté ...
j a troné mes gins comme ch' patriarche que j su d'venu, in est fier savez , au bout del tape , j' me dijo y a djà un tchiot momint mais mi j éto ch' dernier al' tape d' mes parints , meme que in coup j' m in souviens y a eu des menus d' dessiné et mi chéto un sinche .... j' devo avoir 9 ans , que vie que j avo fait ...

ché bien d'troner au bout d eune tape mais in sra cor pu fier quand qu in pourra aller dins l' rue avec s' tchiote file qu ale donnera s' main

vla ché nouvelles , zallez dire minloute i raconte s' vie, j' vous signale que j a l'dro pasque si vous suivez ch' site d' temps in temps j' vous raconte toutes les mechancetés qu ale am' fait grand mère , alors pour un coup que j a un tchiot peu d' joie, laissez me l exprimer, ouais faudro dire tout c' qui va bien, voyez ché rin à dire , ché rin à viffe mais quand meme cha fait du bin et ché vrai que quand qui zarpartent l' soir, cha fait un grand vite