che fours à chaux

j a l' souv'nir qu' min père i m' parlo d un four qui éto au tro quart del rue raymond deruy à bruay

comme cha comminche à faire ,j' me souviens pu si i m' avo pas parlé d un four à chaux et j' voudro pas dire ed bétisses, j' cro qui m avo dit mais j in su pu sur , qu in pouvo i faire du pain d' dins ...

in tout cas si y a quéqu un qui pourro m' renseigner sur l utilisation d' ché fours à chaux et à quo cha servo dans la vie courante


ou qui auro eune photo avec un four à chaux meme si ché pas dins l' rue raymond deruy bin sur cha m interessero

mes souv'nirs del rue Raymond Deruy qui r'montent des années 38 à 62 pou y avoir habité, je m'souviens qui avot deux pétites guitounes qu'in appello ech fournil. y in avo eine quand in deschindo el rue qui à l'époque chéto del terre et des caillaux, à gauche in ptit peu plus bas quel rue d'Isbergue et eine in face del voyette qui allo din l'rue ed Pont à Vendin. elles étotent in briques rouges comme ché masons et au bout din gardin cha donno sul rue. Aprés cha du servir à remiser ché outils ed ché cantonniers machons etc... Chéto l'époque où in juo au foot din l'rue sans ete déringés par ché voitures.
Par conte j'ai po souv'nir ed four a chaux. Pététe que ché avant 1900 avant el construction ed ché corons.

Bonjour tertous
Pour réponte à Minloute. Y'avo un four à chaux rue des frères Caron à Bruay. Chéto à l'implachement dech Lidl, juste in face. D'ailleurs àch t'endrot là y'a toudis del craie blanque. Avant ch'Lidl ché CEDICO, pi cor avant un' quincaillerie. d'ailleurs in applo ch'tendroit l'four à chaux.

Ouais Minloute, comme dins l'rue d'Pont à Vendin, dins l'rue ed Denain y in aussi i avot des "fournils", deux ou tros, i in avot un presque in face ed l'école Loubet, à peu près intre ches HUPEZ et ches COUBRONNE, passe que ches habitants d'ches corons is pouvottent faire leus pains à eun' certinne époque, mi j'les ai connus mais déjà ches cantonniers is métottent leus outils en dins.
Si tin Père i t'a parlé d'un four à chaux ch'est p'tète ch'ti qui avot in bas d'el rue d'Chatellerault, là j'sus sûr qu'i in avot un, tout in bas à droite in tournant pou aller à l'route nationale.
A dé Minloute

merci à tous pour ché souv'nirs , cha devo et' alors un fournil et non un four à chaux

in tout cas j' armercie Jacques qui m a invoyé eune documentation sur ché four à chaux , j a appris quéquosse et j' vous l armettrais such' site pasque ché plutot complet

pour in arvenir donc à des fournils qui y avo rue raymond deruy , pisque cha devo et' cha

min père i souv'no attintion chéto dans les années 20 que l' mason du que s' grand mère ale habito chéto pas loin donc d un fournil

s' grand mère ale éto arrivé chi dans les années 1900 1904, i v'notent du coté de Reclinghem , Fruges , Créquy

sin fils y a comminché à 13 ans aux mines, in haut , au n°3, sin aut' garchon li i travaillo au siege 1

l' rue ach' momint là j' sais pas si cha s appelo déja l' rue d' Anzin, pasque sur ché actes d' naissance et tout cha ché précisé ach' t époque là cité 7 n°115

aprés cha a du vite s appeler l' rue d' Anzin pi achteure l' rue Raymond Deruy

ale a bin cangé , tous ché zabitants i zont été arlogés, tout comme ceux del rue d' Denain qui li est accolé

aprés i zont détruit eune partie des masons au miyeu de ch' te grand coron, juste au niveau d' l école loubet

i zont arconstruits des nouvelles masons, à ch' t indro là, et meme i zavottent l' projet d'mette des commerces d' proximité au coin, mais l' dernier coup que j a passé , autant ché masons ale zétotent occupées autant ché commerces y yavo pas personne ....

l' rue d' denain achteure ché un cul d' sac, te peux y aller que par in bas, yavo eune voyette in bas del rue d' denain qui meno vers l' boucherie rue Caudron, l' voyette cha a été abattu

l' dernier coup que j a passé l' passage des tombelles i éto freumé, savez chti qui éto juste aprés l école des files

pour ché masons qui zont gardés, i zont abattu toutes ché baraques, et i zont arcontruit tout à l identique


l' bas del rue i a cangé aussi , in peut toudis déchinte vers l' rue Dusquenoy, mais surtout achteure l' rue raymond deruy ale tourne à un momint pour arjointe l' pont du 2 , l' rue d' pont à vendin ché pu un cul d' sac non pu

in déchindant l' rue, j m éto fait l' reflexion que chéto bin calme, que j avo connu ch' quartier là vraimint plus animé, ché gosses qui juottent au foot dins l' rue, ouais y avo meme 2 ou tro masons qui avotent un garache près del rue , et cha servo d' cage à goal , et l' pire mes gins , ché les gardins

autant qu in a été habitué à vire des routes d' porions , d' pétotes et d' salates, là pu rin, que del pelousse, et d' temps en temps eune mason pour tchiot ou un toboggan in pvc multicolore

par conte y a quand meme des zirréductipes gaulois, j éto rue d' denain et l' derniere mason in bas, chéto cor in gardin comme dins l'temps mais j' vous avoue achteure , ché li qui fait " tache" pasque l' reste del' rue , ché del pelousse