les ateliers centraux

min père y a longtimps travaillé aux ateliers du 2 à Bruay, près d' la rue Florent Evrart face aux établissements Foulon . pi vers 1960 y a travaillé aux ateliers du siège 1 en bas del cote des grands bureaux

y avo eu del promotion enfin au bout d in momint , pasque comme i faijo du syndicat i n na vu queq'zuns passer avant sin tour et en fin d ' compte ché quand qui a su que l' responsape des ateliers centraux du 1 i s in allo , que sin adjoint mr Cattiau i prenno l' plache d' responsape, qui a proposé li meme d' printe l' plache d' mr Cattiau , et y a été magasinier chef là bo

j' me souviens y et' allé eune paire ed coups, j étot tchiot , in rintro par eune tchiote porte , pi aprés chéto les ateliers et les hangars sur la gauche, tandis que les bureaux i zétotent al' plache du batimint qui est achteure in face d'la caisse d éparne
y avo eune porte vitrée, té rintro et t éto impressionné par tous ché meupes à tiroirs avec des étiquettes ed 'sus

in' n avo dins l' premiere pieche , pi aprés te tourno à droite, t avo un couloir et là y yavo l' bureau d' m in père , tout parel avec des armoires à tiroir partout , 2 bureaux l un en face ed l aute ...

aprés t avo cor un bureau et là t arrivo dans un grand bureau du quo miyeu y avo commint vous dire cha, eune espece d' fichier rond su roul'mint à bile et j' me souviens avoir vu quéqu un téléphoner dinch' bureau là et armette eune fiche dins ch' grand fichier, in l' faijant touner rapid'mint

aut' souv'nir aussi ché magasiniers et ché employés i portotent des blousses grisses in coton

vla l' fameusse photo , in les vo in blousse grisse, min père ché l' quatrieme in partant d' la gauche et ravisez bin d'vant in vo l' fichier circulaire à roulettes