brouillon du liffe d' Charles Toursel

Charles Toursel y a écrit l histoire ed Bruay in tro ou quat' périotes à partir de 1870

j' diro que ché plutot un reccueil d' renseignemints sur tous les sujets concernant le dev'lop'mint de la ville que che so sur l éclairache, l' nom des rues, la fondation des écoles laiques, la poste, les censes, les ju, les ducasses etc etc

i éto v'nu al' mason j' m in souviens chéto vers 1977 , i éto v'nu discuter avec min père d' l histoire des syndicats , pasque min père in' n avo fait et y en faijo cor ach' momint là

taleure j a ouvré des boites d' rang'mint que j avo fait et j ai artrouvé eune cinquantaine ed feules comme, cha , des photocopies , souvint avec ché montaches et l' collache des photos et tout cha cha a servi d' base à sin premier bouquin

j' vous mets in piece jointe eune pache , brouillon de c' qui allo d'venir ché liffes sur Bruay


pour mi
y a 3 personnes qui ont oeuvré à écrire l' mémoire d' Bruay sous des angues différents

Charles Toursel qui a recensé tout c' qu in pouvo trouver en chiffres ,en renseign'mints sur tous les sujets qu in pourro aborder sur Bruay ,eune vraie encyclopédie à travers les decennies, un traval d' fourmi paradoxal'mint les mines i in parle dins sin liffe mais tout y tourne pas autour

l' seconte personne ché Christianne Foucher, avec ses liffes sur Bruay, recueils d' photos d époque, que cha donne un coté "humain" qu in artrouffe pas dins l' liffe d' Charles Toursel, tout in respectant sin traval qui a été trés pointilleux , et j' diro meme un cadeau pour nous ché bruaysiens

l' troisième meme si cha va pas li faire plaiji, qui va dire nan , pas mi, ché min camarate André de Marles , avec sin blog sur l activité miniere
ché vrai i raconte pas seul'mint les mines d' bruay , mais i fait un sacré traval d' mémoire su l activité miniere

et pour réseumer j y dis souvint "commint qui aurotent deviner ché viu mineurs que t a cottoyé que t allo leur rinte in si bel hommache quequ' zannées aprés ?"

mais ché pas eune liste limitée, je pinse aussi à l' Apphim qui milite pour qu in sauv'garde les batimints des zouillères
ché bin qu in so pas mal ed sites à parler d' no région, un peu plus à la mote, ou tout au moins pu ravisée vraimint del meme maniere depuis ch' flime ed dany boon