pas miu que Jean Pierre Pernault la fin

donc in arvient au momint du que les personnes agées as' souhaitotent la bonne année
commint vous expliquez cha, j avo l impression qu' ach' momint là , j' va vous l expliquer d'deux manieres

j' éto surpris que ché personnes agées as'disent bonne année, pi aprés as'ravisotent bin dans les ziux pi ale zinsistotent sur "et eune bonne santé" et as' rimbrassotent ...

autant pour nous chéto plutot "bonne année bonne santé et aboule tin port' monnaie" in sinto que pour elles chéto nin l' meme signification

j a cor eune aute vision d' cha comme si savez au momint du qu as' parlotent ché personnes agées, ché comme chi cha s' passo au ralenti alors qu autour d elles cha crio cha sauto d' partout , ah ché jones ....

sur qu in vieillissant, les années passant et pesant, faut dire aussi que m' grand mère ale eto née en 1892, mon mononque en 1900 et l' cousine à min père en 1907 et que j' vous raconte des faits qui s' sont passés entre 1970 et 1974., passer à l' année prochaine ché pas forchémint réjouissant
in sint aussi ach' momint là que l'clé qu in nous a armonté dins l' dos pour la vie, ale commincho à donner des sines ed fatique ............................
j' me souviens aussi à eune d' ché fetes là, i faijo un fro sec, et j avo dit "ah mi j a ker l automne et l hiver" et min grand onque i m avo dit " te verra plus tard ché des saisons que t auro l' moins ker min garchon" ........

bon in n est quand meme pas ichi pour et' triste , j' sais bin comme j' l a dis plus haut qui a des gins du site qui vont ptete s' artrouver tout seu, comme à la Noel , in a eune pensée pour eux
et là j va avoir eune pensée pour m' grand mère " eh Mémé, est ce que tu aurais pu imaginer qu un jour une carte de voeux de nouvelle année que tu as reçue de ta cousine Ophélie en 1899 pourrait etre vue par qui le souhaiterait de part le monde par l intermédiaire d un système qui s appelle internet ?"

nan là ch'auro été presque impossipe à elle ed comprinte cha, ale a quand meme vécu eune paire d' années Emma, née en 1892 elle est décédée en 1988..

et j' me rappelle toudis s' reflexion "hein mémé bientot 100 ans ? ah nan qu ale dijo, pas 100 ans , pas d'photo ach' momint là , pasque j' veux pas et' such' journal, pasque j' veux pas qui a des gins qui essuyent leu derriere aux cabinets avec m' photo......."

Bonne année et bonne santé à tous , nous d'main in prind l'carette et in va minger à midi chez Marie Claire et Frette

Je vous souhaite également à tertous eune excellente année 2010 dans tous les domaines et ceux qui vous tiennent el plus à coeur , in dit que quand in a la santé el plupart du reste in peut s'in arringer , alors souhaitons surtout la santé et que tout l'reste aille du miux que possipe