ché l' progrès mais ...

cha y est in est al' périote du qu in fait ché cartes ed voeux
et in s a tous dit " j va pas m imbéter avec ché cartes à écrire, j' va in faire par internet"

faut dire aussi que faire ché cartes , ché long, faut avoir l inspiration, faut met' un timpe, et faut aller l' poster

in ravisant bin , l' carte d' voeux par internet , ale a que 2 avantaches te met pas d' timpe et te do pas t' déplacer pour aller l' poster

sans quo cha d'vient aussi long , et cha ché la 'faute" à tous ché sites qui nous incitent à invoyer nos voeux par l' net, pasque ché cartes ale sont d' plus in plus bellottes et te print in fait plus ed ' temps pour choisir ché cartes qu avec ché cartes papier

mi j' m a volontair'mint limité à un site , sinan te passe et ' vie d'sus et pi faut avoir l' surprisse d arcevoir des cartes qu in a pas vu

ché vrai t al' solution, t invo l' meme carte à tout l' monte, nan ché nin rigolo, ou cor pire te met un teste bateau comme j' va mette aprés j ouffe les guillemets

"eune bonne et heureusse année à tizautes (té canges quand qui sont plusieurs , te mets "vouzautes" , aprés te met deux aut' phrasses bateau "bonheur , chance et beaucoup d argent" et aprés te mets " sans oublier la santé " ) ET VOILA aprés te print tin carnet d adresses et te fait du copiache collache et clac ché fait en deux coups d' cuilleres à pot

mi j a ker personnaliser ché cartes alors cha print du temps mais cha permet d' garder un tchiot peu d' poésie , et d' invoyer un messache qu in espère qui s'ra lu

j 'voulo dire qui s'ra lu jusqu au bout, pasqu in n in invo tel'mint d' cartes d' voeux qu in les lit in tchiot peu in diagonale, te lit comme cha eune bonne gnan gnan gnan année, beaucoup argent gnan gnan gnan, santé gnan gnan gnan
aprés t appuie sur "effacer" et ché fini tout cha al' poubelle
mais aprés est ce que t'eut' souviens de qui qui t a invoyé eune carte au bout d'quequ' temps , bin nan , ché l' progres mes gins, ché l'progrés