2 mainsgauches

c' que j va écrire in d'sous ché que l vérité, l'triste vérité , pour vous dire vous zaurez l' photo normal'mint d'main ....

ché parti par un bon sentimint , ch' frigo i éto plein , et grand mère ale a préparé l' salate et comme chéto plein dinch' frigo ale l a laissé such' coté , such' plan d' traval

eune fos que les zintrées qui zétotent sul' tape , j a pris une initiatiffe , preuffe qui faut jamais printe des zinitiatiffes .....
alors vlà j' me dis comme y a del plache dins l' frigo achteure, j' va met' l' saladier à l intérieur, j' trouffe eune plache au d' sus d un saladier du qui y avo eune sauce qui avo pu qu à récauffer, eune sauce aux vrais cépes, pas des cepes in boite, nan des vrais cépes cueillis par min vigin et qui nous in avo donné un sacré paquet y a 2 mos

que odeur quand cha a cuit dins l' cuisine au matin, mélanche d ' cèpes, d' al, et d' persil, pas eune odeur mais un fumet mes gins

j' freme l' frigo et j intinds un bruit à l intérieur, mi quo que j' fais j' 'rouffe l' frigo et in fait chéto djà l' saladier qui parto in avant et qui a intrainé l' saladier avec ché cèpes à terre, such' carrelache

cor heureux que grand mère ale l a pris avec philosophie, ch'chapon i avo djà eune farce d' compétition, savez del farce mélingée avec 6 youyourts , y avo des marrons, des pétotes et des zaricots verts mais quand meme y yavo pon l' sauce aux cèpes, et quand que j' dis sauce aux cèpes chéto presque pon liquite chéto un plat à part entiere ....

mais bon in a quand meme passé un bon noel pour ché zinfants

j 'su sur qui n a qui vont dire MAIS CHE PAS MINLOUTE QUI RAMASSE SES CONNERIES et pour plusieurs raisons


bin ouais , d' abord ché nin un traval d' homme, (oubliez pas que ché écrit dans la bible que Dieu y a inventé la femme pasque l' homme i s innuyot , pi que pour fabriquer la femme, i a pris dans c' qui y yavo d' plus bio sur la terre, à savoir l' homme, pasque j' dis cha pour tous ceux qui écoutotent pas au catéchisse ou qui n y sont pas d'allés , Dieu y a fait l' femme in prenant une cote de Adam , j' rajoutero vu les immertes qu in a avec nos garnoules j' dirai meme que Dieu y a pris l' "cote à l' os" )
cha ché l' premiere aison

l' seconte , ché que j' sais nin du qui a ché ramons et companie , escusez me cha fait que 23 ans qu on vit insempe et j a pas eu l' temps d' vire du qu ale metto cha

l' troisieme raison, ché que j a été m escuser auprès des invités pour l' catastrophe que j avo fait in cuisine mais que si y a eu catastrophe d' em part et cha jl' avoue bin volontiers ché qui a eu AU DEPART mauvaisse disposition dinch' frigidaire c'qui a occasionné l' drame ci dessus, vinguette que j' parle bin mi

quatrieme raison , commint voulez vous que j' ramasse in faijant ché photos in meme temps ?


zallez dire minloute ché un goujat , nan pasque j' me su rattrapé, pasque meme si vous dites cha , j a fait aprés un truc extraordinaire que grand mère ale a du s assire quand qu ale m a vu faire cha J A FAIT LA VAISSELLE DU R'PAS D'LA NOEL , savez djà faire la vaisselle, j a des scrupules , pasque ché pas m' spécialité et j' préfére laisser faire cha à des espécialistes comme grand mère, mais IMAGINEZ , l' jour d' la Noel ..............

bin qu ale a dit aprés, l' année prochaine té peut arfaire tomber ch' saladier à salates, in m'tra ché cépes ailleurs avant .......