Les jardinsavant la Noel
par minloute le, 06/12/2009éto tchtiot , in attindo tous "la noel" avec impatience, j' me souviens que j' rintro d' l école et que j' parlo de "la noel" alors in coeur min père et m'mère i m arprenottent in dijant "NOEL" ... fallo bin parler , mais sans qui ait d' leur part del condescendance, de mépris envers le patois, pirouette d' la vie j ' su sur un site du que la grante majorité des sujets sont écrits in patois
bref j' m égare cor un coup, mais arvenons à l attinte avant la noel
y avo in début du mo d' décempe ,quat' éven'mints qui nous rapprochottent ed noel, d abord y avo ch' calendrier d ' l avent , qui artiro chaque jour eune case tout cha pour nous am'ner au jour ed ' noel
y avo l' ste barpe , que mi j a pas connu directemint , j avo des camarates , fils ed mineurs qui pour eux chéto eune date importante dins leu famile, mi nan
y avo nous al' mason la st eloi , chéto l' patron des forgerons et comme min pere i travaillo aux magasins centraux d' bruay , chéto jour chomé et ja eu dro un coup à eune boite d eune dizaine ed tchiots crayons d' couleur
yavo aussi la saint nicolas, que souvent l' cousine à min père al' nous am'no un tchiot cadeau, so du chocolat so d' zoranches
mais pour mi chéto comme des fetes qu in avo installés au début du mo d' décempe , pour que nous , ché zinfants in puisse patienter jusqu à la noel, "Noel" ouais ché vrai , excuse me Papa
