ouvrez ché neules....

j' croyo connaite ché corons, mais j' do vous avouer que j avo jamais vraimint ravisé dins l' détal ché mazons, et , au cours des sujets qui vont v'nir j' va vous montrer qu in passo souvint in face d' corons qu in croyo tous parels, et que chéto pas l' cas

j va d' abord avouer eune chosse que Lou Marcel i va m' dire "chéto évident" mais j' vous jure qu à bintot cinquante ans, enfin l année prochaine , faudro pas faire el' coquette, j avo jamais armarqué que d' chaque coté del rue d' chatel' rault chéto nin les memes mazons

à gauche del rue y a eune farniete in bas et eune in haut, tandis qu à droite del' rue ché mazons sont plus grantes, ale zont 2 farnietes in bas et 3 in haut, j' vous jure que ché l' dernier coup que j m a fait l' reflexion

Bin ouais Minloute mi j'l'ai toudis su et mi j'resto dins eun' maison à droite avec deux f'nètes in bas et tros in haut.
In bas i avot l'cuisine qui est dev'nue "l'pièch ed devant" pus tard avec eun' f'nète et à coté i avot l'champe ed mes parints avec l' aut' f'nète.
Derrière ch'étot l'buanderie qui est dev'nue cuisine, min père i avot fait eun' véranda.
Arès tout cha in étot dins l'cour avec l'baraque et les chiotes dû qui avot eun' planque trouée et qu'min père vidot dins ch'gardin quand ch'étot plein, passe qu'après l'cour y avot ch'gardin (in avot des sacrés légumes à ch't'époque là), avec l'voïette au milieu bordée par des briques
In haut de l'mason i avot tros champes, deux sus l'devant et eun' sus l'arrière.
Ouais ches maisons d'in face is étotent pus p'tites, i avot qu'eun' pièch in bas, suivi d'eun' cuisine et d'eun' arrière cuisine (l'buanderie), pis après l'baraque, les WC et un gardin aussi sur l'arrière.