la derniere de la ferme auberge du Cabaret Rouge

autre fermeture qui m' touche ché la fermeture mi décempe de la ferme auberge du Cabaret Rouge dans la cote de Souchez
alors quo que j' vous diro ? que mi j y éto attaché à cet endroit , d abord pour el cadre, ah ché sur que chéto nin un chinq étoiles mais quand que j ' dis cha zallez accroire que chéto un fourbi arape comme i dijo min père , nan chéto tout simpe , tout prope, et avec un accueil du meme accabit
pour mi la ferme auberche du cabaret rouche ché là qu in a fait nos meyeux arpas d' fiete avec l' famile
cha cangeo des zautes indrots du qu on allait , savez ché restaurants, alors ché vrai sul' menu cha avo plus d allure, mais vous pouvez m armette tous ché plats que j a mingé dins ché restaurants là et in face vous mettez ché pétotes cuites par Madame Beaucamp , y a pas photo

donc l' ferme auberche ale do freumer mi décempe j' diso, aprés Madame Beaucamp ale print s' n' artraite , bon in pourra continuer à y aller pasqu ale va continuer à vinte des produits d' ess' ferme mais pour ché zarpas ché bintot la fin
alors si savez pas du aller minger ché diminches qui arriffent , zi zetes prets à minger del' volaille , eune tarte au porion, et in dessert del tarte au libouli , bin savez du qu ' vous pouvez aller, mais à vot' plache j' reservero quand meme
ch' t indrot là y est aussi espécial i a servi d' poste avancé aux alliés durant la premiere guerre mondiale quand qui fallo essayer d arprinte Vimy, d ailleurs d au d' sus del ferme auberche in a l impression que ché tout près Vimy, mais y avo d' sacrés zobstacles pour y arriver

d' l aute coté in a eune vue sur notre dame ed lorette , et quand qu on arvient au d' sus del ferme , aprés avoir bin mingé, fait ripaille, bin mi j allo faire un tour dins ch' cimetiere inglais qui est là juste au d'sus, ché d eune tenue, d eune propreté, ch' gazon du qu in marche ché comme eune moquette , pas un brin d herpe qui depasse, cor moins eune mauvaisse herpe, ché zinglais i s occupent d' cha avec un sérieux exceptionnel, nan, pas un sérieux , j' diro plutot un profond respect pour tous ché jones qui sont interrés ichi, des jones d ' ingleterre, d' écosse, d irlante, du pays d' galles, avec un sacré point commun, leur jeunesse (i zavottent tous eune vingtaine d année) , leur jeunesse sacrifiée ichi dans la fureur des zexplosions , des finquées, englués dans l' berdoule d' l artois